Kókshetaýda karantindik sharalardyń kúsheitilýine bailanysty halyqqa qyzmet kórsetý ortalyqtary jumys kestesin ózgertti. Bul týraly «Azamattarǵa arnalǵan úkimet» memlekettik korporatsiiasy habarlady.
Aqmola oblysynyń bas sanitarlyq dárigeriniń «Aqmola oblysy aýmaǵynda koronavirýstyq infektsiiasyn aldyn alý maqsatynda karantindik sharalardy kúsheitý týraly» 14.06.2020 jylǵy №73 qaýlysyna sáikes qalalyq halyqqa qyzmet kórsetý ortalyqtary azamattardy saǵat 10:00-16:00 qabyldaityn bolady.
«Osyǵan bailanysty Kókshetaý qalasynyń turǵyndary qyzmet kórsetý bólimderinde qyzmet alý úshin aldyn ala saǵat 15:30 kezekti brondaýy kerek. Odan keiin brondaý jaramsyz dep esepteledi. Arshaly, Astrahan jáne Tselinograd aýdanyndaǵy HQO osyndai rejimde jumys isteidi. Al, basqa aýdandardaǵy qalǵan bólimder azamattardy 9:00-17.00 jumys isteidi», - dep tolyqtyrdy memlekettik korporatsiiadan.
Aita keteiik, koronavirýs infektsiiasynyń taralaýy jiilep ketýine bailanysty maýsymnyń 15-i keshki saǵat 20:00 bastap Kókshetaý qalasynda 7 blokpost qaitadan qoiylyp, karantindik shekteý sharalary kúsheitildi.
