Kókshetaýda koronavirýsqa shaldyqqan naýqastar emdeletin zamanýi úlgidegi juqpaly aýrýlar ortalyǵy ashyldy, dep habarlaidy "Ult aqparat".
Kókshetaýdyń irgesinde jańadan salynǵan oblystyq juqpaly aýrýlar ortalyǵy 200 kerýetke arnalǵan. Munda Germaniia jáne Reseiden jetkizilgen qazirgi zamańǵy jabdyqtar ornatylǵan.
Segiz korpýstan turatyn nysanda jylytý qazandyǵy, kólikterdi dizenfektsiialaý pýnkti, meditsinalyq qaldyqtardy zalalsyzdandyrý orny, 20 oryndyq jansaqtaý bólimshesi jáne ár palatada bir ortalyqtandyrylǵan ottegi stansasy bar.
Sonymen qatar, «Filips» kompiýterli tomografy, «H-FIT» rentgen apparaty, ókpeni jeldetkish 4 apparat, tórt naýqas monitory, «LOGIQ 9E» ýltra dybysty diagnostika apparaty, elektrokardiograf apparaty ornatylǵan.
Qurylys jumysyn merdiger «Bi Group» kompaniiasy júrgizgen. Jobanyń quny 7 milliard 185 million teńgeden asady. Jalpy aýmaǵy 4,4 gektardy quraityn nysan qurylysyna 620 adam tartylyp, úsh aýysymmen jumys istep, eki aidyń ishinde aiaqtaǵan.
«Memleket basshysynyń tapsyrmasy boiynsha 200 kerýettik juqpaly aýrýlar ortalyǵyn ashtyq. - Bul qazirgi zamanǵa sai jabdyqtalǵan meditsinalyq mekeme. Nysan pandemiia kezinde ǵana emes, odan basqa ýaqytta da halyqtyń densaýlyǵy úshin barynsha jumys isteýi tiis, – dedi oblys ákimi Ermek Marjyqpaev.
Aita keteiik, mundai ortalyq elimizdiń Nur-Sultan, Almaty, Shymkent qalalarynda ǵana bar. Qurylys jumystaryn merdiger «Bi Group» kompaniiasy júrgizgen. Jobanyń quny 7 milliard 185 million teńgeden asady.
Jalpy aýmaǵy 4,4 gektardy quraityn nysan qurylysyna 620 adam tartylyp, úsh aýysymmen jumys istep, eki aidyń ishinde aiaqtaǵan.
