23-24 qarasha kúnderi Aqmola oblysy Bilim basqarmasy men oblystyq daryndy balalarmen jumys jónindegi oqý-ádistemelik ortalyǵy jáne Aqmola oblysy boiynsha "Jas Ulan" biryńǵai balalar men jasóspirimder uiymynyń qoldaýymen "Bala bi"oblystyq sheshendik óner baiqaýy ótti.
Basty maqsaty - ulttyq rýhty damytý, jastarǵa patriottyq tárbie berý, sheshendik ónerdi damytý.
Baiqaýǵa Atbasar, Arshaly, Býrabai, Bulandy, Zerendi, Esil, Jaqsy, Qorǵaljyn aýdandarynan, Birjan sal aýdanynan jáne Kókshetaý qalasynan 12 komanda qatysty.
"Atalmysh is-shara qatysýshylardyń syni oilaýyn, sheshendik sheberligin damytýǵa, óz resýrstaryn tiimdi paidalanýǵa úiretýge múmkindik berdi", - dep atap ótti Aqmola oblysy ishki saiasat basqarmasynyń bas mamany, tóreshiler alqasynyń múshesi Sembi Ádilet.
Konkýrsta ózekti máseleler talqylandy. Baiqaý qorytyndysy boiynsha júzden júirik shyqqandar anyqtaldy. Atap aitsaq, "Úzdik Úmit" nominatsiiasyna Zerendi aýdany "Ziiatker urpaq" komandasynyń spikeri Kýsýpbekova Aida ie boldy. "Úzdik tóreshi" nominatsiiasy boiynsha "Dilmar - KÝAM" debat klýbynyń stýdenti Aitenova Madina marapattaldy. Zerendi aýdany "Ziiatker urpaq" komandasynyń taǵy bir múshesi Násipqaliev Zańǵar "Úzdik jyraý" atalamynda úzdik dep tanyldy.
Júldeli úshinshi oryn "Órken" komandasynan (Kókshetaý qalasynyń №3 DBAOMI) Tóleýbaev Ilias pen Nurmuhanova Dinaraǵa buiyrdy.
II orynǵa Bulandy aýdanynan "Alash" komandasy quramynda Beibithan Ertai, Maratuly Muhamed laiyq dep tanyldy.
Al, "Sanaly qyzdar" (Kókshetaý qalasy, №3 DBAOMI) komandasy músheleri Basharova Dariǵa men Dýlatova Alýa jeńimpaz atanyp, 1 orynǵa ie boldy.
Jeńimpazdar men qatysýshylar diplomdarmen, alǵys hattarmen jáne baǵaly syilyqtarmen marapattaldy.
