Kókshetaýda iz-túzsiz joǵalǵan 12 jastaǵy ul bala izdestirilýde, dep habarlaidy "Ult aqparat" Aqmola oblystyq Politsiia departamentiniń baspasóz qyzmetine silteme jasap.
Vedomstvonyń málimetinshe, sáýirdiń 26-da saǵat 14:21 Kókshetaý qalalyq PB kezekshilik bólimine 1984 jylǵy er adam habarlasyp, 12 jastaǵy uly Sergei Aleksandrovich Krivonojkony izdep tabýǵa kómek surady. Er adamnyń sózinshe, uly saǵat 13:00 shamasynda qaryndasyn №16 orta mektepke áketken. Sodan úiine qaityp kelmegen, qaida júrgeni belgisiz.
Joǵalǵan bala ústine qara shalbar, qara krossovka, kók kúrtke jáne qara bas kiim kigen.
Tártip saqshylary joǵalǵan balany kórgen adamdar nemese onyń joǵalǵanyna qatysty qandai da bir aqparat biletin adamdar bolsa, birden «102» arnaiy jelisi boiynsha politsiiaǵa habarlasýdy suraidy.
