Aqmola oblysynda er adam bankomatta ózge bireýdiń qaldyryp ketken jarty million teńgesin iemdenip ketti, dep habarlaidy "Ult aqparat" oblystyq PD baspasóz qyzmetine silteme jasap.
Vedomstvonyń málimetinshe, oqiǵa 27 qazanda Kókshetaý qalasynda oryn aldy. 39 jastaǵy jergilikti turǵyn aryzdanyp, belgisiz bireýdiń 540 000 teńge aqshasyn bankomattan sheship alyp ketkenin aitqan.
«Anyqtalǵandai, zardap shegýshi bankomat arqyly aqsha aýdarmaqshy bolǵan. Ol aldymen aqshany uiashyqqa salyp, keiin operatsiiany tolyq aiaqtaýsyz qaldyrady. Osy kezde odan keiingi klient ol aqshany alyp, banktiń qaýipsizdik qyzmetine aitpai ketip qalady», -deidi vedomstvodan.
Tártip saqshylary er adamdy anyqtady. Ol Kókshetaý qalasynyń 45 jastaǵy turǵyny bolyp shyqty. Qazirgi kezde oǵan protsessýaldyq sheshim qabyldaý máselesi qaralyp jatyr.
