Sýret: liter.kz
Kókshetaý turǵyny áielin pyshaqtap, úiden qashyp ketken, dep habarlaidy Sputnik Qazaqstan agenttigi Polisia.kz portalyna silteme jasap.
Politsiianyń habarlaýynsha, 20 jeltoqsan kúni tańǵy saǵat 06:55-te jedel járdemnen habar túsken. 30 jastaǵy áiel keýde tusynan pyshaq jaraqatyn alǵan. Ol dereý oblystyq aýrýhanaǵa jetkizildi.
Oqiǵa bolǵan jerge barǵan tártip saqshylary áieldi pyshaqtap ketken onyń kúieýi ekenin anyqtady. Ol janjaldan keiin qashyp ketken. Tártip saqshylary birden jaqyn júrgen patrýldik ekipajdarǵa habar berip, 26 jastaǵy er adam eki saǵattyń ishinde ustalǵan.
Qylmys ornynan as úi pyshaǵy da tabyldy. Tergeý kezinde er adam sol kúni áieli ekeýi janjaldasyp qalǵanyn aitty. Ol ishimdik ishken bolyp shyqty.
Qazirgi kezde Qylmystyq kodekstiń 106-baby, 1-tarmaǵy (Densaýlyqqa qasaqana aýyr ziian keltirý) boiynsha sotqa deiingi tergeý sharalary bastaldy. Kúdikti ýaqytsha ustaý izoliatoryna qamaldy.
