سۋرەت: liter.kz
كٶكشەتاۋ تۇرعىنى ەيەلٸن پىشاقتاپ, ٷيدەن قاشىپ كەتكەن, دەپ حابارلايدى Sputnik قازاقستان اگەنتتٸگٸ Polisia.kz پورتالىنا سٸلتەمە جاساپ.
پوليتسييانىڭ حابارلاۋىنشا, 20 جەلتوقسان كٷنٸ تاڭعى ساعات 06:55-تە جەدەل جەردەمنەن حابار تٷسكەن. 30 جاستاعى ەيەل كەۋدە تۇسىنان پىشاق جاراقاتىن العان. ول دەرەۋ وبلىستىق اۋرۋحاناعا جەتكٸزٸلدٸ.
وقيعا بولعان جەرگە بارعان تەرتٸپ ساقشىلارى ەيەلدٸ پىشاقتاپ كەتكەن ونىڭ كٷيەۋٸ ەكەنٸن انىقتادى. ول جانجالدان كەيٸن قاشىپ كەتكەن. تەرتٸپ ساقشىلارى بٸردەن جاقىن جٷرگەن پاترۋلدٸك ەكيپاجدارعا حابار بەرٸپ, 26 جاستاعى ەر ادام ەكٸ ساعاتتىڭ ٸشٸندە ۇستالعان.
قىلمىس ورنىنان اس ٷي پىشاعى دا تابىلدى. تەرگەۋ كەزٸندە ەر ادام سول كٷنٸ ەيەلٸ ەكەۋٸ جانجالداسىپ قالعانىن ايتتى. ول ٸشٸمدٸك ٸشكەن بولىپ شىقتى.
قازٸرگٸ كەزدە قىلمىستىق كودەكستٸڭ 106-بابى, 1-تارماعى (دەنساۋلىققا قاساقانا اۋىر زييان كەلتٸرۋ) بويىنشا سوتقا دەيٸنگٸ تەرگەۋ شارالارى باستالدى. كٷدٸكتٸ ۋاقىتشا ۇستاۋ يزولياتورىنا قامالدى.
