Foto: Polisia.kz
“Kókshetaý – Qyzylorda” baǵytyndaǵy poiyzda jolaýshy áiel kóz jumdy, – dep habarlaidy "Ult aqparat" Polisia.kz portalyna silteme jasap.
"14 qańtarda Jambyl oblysynyń Saryshaǵan stantsiiasyna jaqyndaǵanda "Kókshetaý - Qyzylorda" baǵytyndaǵy jolaýshylar poiyzy vagondarynyń birinde Astanadan Shymkentke deiin kúieýimen birge jolǵa shyqqan 54 jastaǵy azamatsha kenetten qaitys boldy.
Sol kúni Shý stantsiiasyndaǵy jelilik politsiia bóliminde sotqa deiingi tergeý bastalǵan, al máiitten qylmystyq sipattaǵy ólim belgileri anyqtalmady" - delingen habarlamada.
Tekserý barysynda áieldiń 2019 jyldan bastap Astana qalasy aýrýhanalarynyń birinde sozylmaly aýrýmen esepte turǵany anyqtalǵan. Poiyz jolserikteriniń kelisimimen, kúieýi áieliniń máiitin oralǵan kúiinde poiyzdyń jumys istemeitin tambýry arqyly Shymkent stantsiiasyna deiin tasymaldap, jetkizgen.
Er adam sot-meditsinalyq saraptamadan úzildi-kesildi bas tartqan. Qazirgi ýaqytta máiitti poiyzda tasymaldaý deregine qatysty material Jambyl oblysy boiynsha kóliktik baqylaý inspektsiiasyna berilgen.
