Kókshetaý qalasyna kireberis joldarǵa blokpostar qoiylady. Bul týraly Aqmola oblystyq taýarlar men qyzmetterdiń sapasy men qaýipsizdigin baqylaý departamenti málimet taratty, dep habarlaidy "Ult aqparat".
«Aqmola oblysynyń bas sanitar dárigeriniń qaýlysyna sáikes Kókshetaý qalasynyń karantin aýmaǵy perimetrine ýaqytsha sanitarlyq post qoiý týraly sheshim shyǵarylǵan. Eger koronavirýs infektsiiasyn juqtyrǵandardyń sany artsa, onda biylǵy jylǵy qarashanyń 3-de shyqqan №136 qaýlyǵa ózgeris engiziledi jáne Memlekettik vedomostvoaralyq komissiianyń nusqaýyna sáikes oblys ortalyǵy perimetri boiynsha blokpostar qoiylady» delingen vedomstvonyń jazbasynda.
Sonymen qatar, vedomstvodan atap ótkendei, áýe, temirjol bailanysy boiynsha sheshimdi kóliktegi taýarlar men qyzmetterdiń sapasy men qaýipsizdigin baqylaý departamenti shyǵarady.
Aita keteiik, qarashanyń 3-de Aqmola oblysynyń bas sanitar dárigeriniń óńirde karantin sharalaryn kúsheitý týraly qaýlysy shyqqan bolatyn.
