Mamyr aiynda oramjapyraq, qyzanaq jáne qiiar arzandai tústi, baǵalar bir aida 5,7 paiyzǵa tómendegen, dep habarlaidy "Ult aqparat" ranking.kz saityna silteme jasap.
Bir aida aqbas oramjapyraq (34,6 paiyzǵa, bir kelisi úshin 80,8 teńgege deiin), qyzanaq ( 14,6 paiyzǵa, bir kelisi úshin 607,3 teńgege deiin), jáne qiiar (12,9 paiyzǵa, bir kelisi úshin 467,5 teńgege deiin) arzandady. Budan basqa, koronavirýstyń órshigen kezde alypsatarlar baǵasyn sharyqtatyp jibergen limon 0,6 paiyzǵa, bir kelisi 1129,9 teńgege deiin túsken.
Mamyr oiynyń qorytyndysy boiynsha, kókónis men jemistiń tutynýshy baǵasynyń ósimi bir aida 1,5 paiyz, bir jylda - 10,1 paiyzdy quraǵan.
Kartop aitarlyqtai qymbattaǵan – bir aida 7,9 paiyzǵa, bir jylda – birden 45,8 paiyzǵa qymbattady. Jemisterdiń baǵasy bir aida 6,1 paiyzǵa, al bir jylda 26,4 paiyzǵa kóterildi.
Qazaqstan óńirleriniń arasynda kókónis men jemis baǵasynyń eń úlken ósimi Shymkent qalasynda baiqaldy (4,6 paiyz), odan keiin tizimde Mańǵystaý oblysy (+4%) jáne Atyraý oblysy (+3,7%) tur.
Elimizdiń tórt óńirinde kókónis-jemis baǵalary arzandai tústi: Qaraǵandy oblysynda (−3,4%), Nur-Sultanda (−0,6%), Pavlodar oblysynda (−0,2%) jáne Batys Qazaqstan oblysynda (−0,1%).
Bir jyldaǵy baǵalar ósimi de Shymkentte tirkelgen (+23,9%), odan keiin Aqtóbe oblysy (+16,1%) jáne Mańǵystaý oblysy (+15,1%) tur.
Mamyrda kókónis men jemistiń ishinde eń qymbattaǵany: piiaz baǵasy (13,3 paiyzǵa, bir kelisi úshin 117,3 teńgege deiin) jáne sábiz (11,8 paiyzǵa, bir kelisi úshin 128,8 teńgege deiin), sondai-aq alma baǵasy aitarlyqtai kóterilgen (8,9 paiyz, bir kelisi úshin 516,5 teńgege deiin).
