Memleket basshysy Qasym-Jomart Toqaev Májilis otyrysynda eldegi tártipsizdikterdiń júieli túrde uiymdastyrylǵanyn aitty, dep habarlaidy QazAqparat.
«Bizdiń qoǵamnyń birtutastyǵy júieli túrde shaiqalyp kelgen, onyń ishinde narazylyqtar men kásibi túrde ázirlengen stsenariiler qoldanylǵan. Radikaldy sharalardyń naqty oryndaýshylaryn daiyndaý jasyryn túrde júrgizilgen. Ulttyq qaýpisizdik komiteti ýákiletti organ retinde osy qiratý jumystaryna naqty baǵa bere almady jáne bergisi de kelmedi. Ulttyq qaýipsizdikke tóngen asa úlken qaýipti kórmedi. Shabýyl uiymdastyrýshylaryna tek sebep izdeý ǵana qaldy, al ol sebep báribir tabylar edi», - dedi Toqaev.
Prezidenttiń aitýynsha, osy aralyqta halyqtyń avtogaz baǵasynyń qymbattaýyna narazylyǵy qural retinde qoldanylǵan.
