QR Premer-Ministriniń orynbasary E. Toǵjanovtyń tóraǵalyǵymen ótken COVID-19 máseleleri jónindegi jedel shtabtyń otyrysynda memlekettik organdardyń koronavirýspen kúresýde atqaryp jatqan jumystary tyńdaldy, dep habarlaidy primeminister.kz.
Densaýlyq saqtaý ministrligi eki apta ishinde jedel sharalardy qabyldaý arqasynda birqatar oń nátijelerge qol jetkizgenin málimdedi:
- COVID-19 juqtyrýdyń táýliktik ósimi 4%-dan 2,3-ke deiin tómendedi;
- saýyǵyp ketkenderdiń sany 60%-ǵa artty;
- jedel járdemdi shaqyrýlar sany 31%-ǵa, onyń ishinde COVID boiynsha shaqyrýlar 19%-ǵa qysqardy;
- reanimatsiialyq tósek-oryn sany 12%-ǵa, statsionarlardaǵy tósek-oryn 81%-dan 56%-ǵa deiin tómendedi.
Sonymen qatar, jedel shtab Batys Qazaqstan jáne Qyzylorda oblystarynyń ákimdikteriniń jumysy jetkiliksiz ekenin atap ótti. Densaýlyq saqtaý ministrliginiń COVID-19-ben kúres boiynsha óńirler reitingisinde osy oblystarda eń tómen kórsetkishter tirkelgen.
Sondai-aq, Premer-Ministrdiń orynbasary Soltústik Qazaqstan ákimdigine qoldanystaǵy tósek-oryn qorynyń júktemesin azaitý boiynsha jedel sharalardy qabyldaýdy tapsyrdy.
Ishki ister ministrligi aǵymdaǵy jyldyń 5 shildesinen bastap 4,3 myń karantindi buzýdyń anyqtalǵanyn baiandady. Bul rette Pavlodar, Qyzylorda, Qostanai, Aqtóbe jáne Batys Qazaqstan oblystarynda olardy anyqtaý boiynsha jumystyń jetkiliksizdigi atap ótildi.
Jedel shtab azamattardyń sanitarlyq jáne betperde rejimin saqtaý máselelerine erekshe nazar aýdardy.
«Biz ómirdiń ár adam úshin qymbat ekendigine jáne qaitalanbaityndyǵyna basa nazar aýdara otyryp, qoǵamnyń sana-sezimi men minez-qulqyn túbegeili ózgertýimiz kerek. Bizde áli kúnge deiin "maska kómektespeidi, kimese de bolady, paidasy joq” dep oilaityndar bar. Adamdar áli kúnge deiin faktilerdi emes, ózderiniń jańsaq pikirlerin ǵana basshylyqqa alady. Virýspen kúres barlyq qazaqstandyqty "ortaq maqsat sezimimen" biriktirýi tiis, al karantin rejimin buzǵandardy qoǵam ózi aiyptaýy kerek. Osy jumysty uiymdastyrý - memlekettik organdardyń mindetteriniń biri», - dep atap ótti E.Toǵjanov.
Qorytyndylai kele, E. Toǵjanov pandemiia kezinde azamattardyń ózin-ózi ustaý erejelerin ázirleýdi, óńirlerde karantin rejimin buzýlarǵa qatysty kúndelikti reidter júrgizýdi jáne birqatar basqa da shuǵyl tapsyrmalardy júktedi.
