Qoǵamdyq sanany jańǵyrtý bir kúndik is-shara emes. Bul týraly Aqordada ótken Qoǵamdyq sanany jańǵyrtý jónindegi ulttyq komissiia otyrysynda QR Aqparat jáne qoǵamdyq damý ministri Aida Balaeva aitty, dep habarlaidy QazAqparat.
«Sóz joq, Aqparat jáne qoǵamdyq damý ministrligi «Rýhani jańǵyrý» baǵdarlamasy tiimdiligin arttyrý baǵytyndaǵy jumystardy óz quzyreti sheginde alda da jalǵastyratyn bolady. Degenmen, bul jumys únemi jetildirýdi talap etedi. Osy oraida, Ulttyq komissiianyń qaraýyna usynatyn birqatar problemalyq máseleler bar«, - dedi ministr.
Osy rette Aida Balaeva atalǵan problemalyq máselelerge qysqasha toqtalyp ótti.
»Qoǵamdyq sanany jańǵyrtý bir kúndik is-shara emes. Qazirgi jaǵdai kórsetip otyr, eger álemniń úzdik jetistikterinen úmitimiz bolsa, biz eń aldymen sanamyzdaǵy paidasyz qaǵidalar men qajetsiz ádetterden, til men dildiń qadirsizdiginen, talǵamsyz salt pen daraqy dástúrlerden der kezinde arylýymyz shart. Ol úshin joǵaryda baiandalǵan jańa jospardy basshylyqqa ala otyryp, eldiń tutastai «rýhani jaǵdaiyna» aýqymdy zertteý jasap, qandai óńirlerde qandai máseleler baryn anyqtap, sol aimaqtarda adresti túrde jumys jasaý qajet. Bul jumystyń nátijesi týraly óńir basshylyǵynyń ár jarty jyl saiyn Úkimet deńgeiinde esep berýin engizý kerek», - dedi ol.
