«Qazaqstandaǵy Qoǵamdyq keńester qyzmetin damytýdaǵy jańa tásilder» taqyrybynda brifing ótti, dep habarlaidy "Ult aqparat" Aqparat jáne qoǵamdyq damý ministrliginiń baspasóz qyzmetine silteme jasap.
Búgin Ortalyq kommýnikatsiialar qyzmeti alańynda ótken brifingige QR Aqparat jáne qoǵamdyq damý vitse-ministri Bolat Tlepov, Densaýlyq saqtaý salasyndaǵy Qoǵamdyq keńestiń tóraǵasy Nadejda Petýhova qatysty.
Spikerler Qoǵamdyq keńester týraly zańnyń negizgi baǵyttary jaily baiandady.
«Osy zań qoǵamdyq keńester institýtynyń qyzmetin jetildirýge baǵyttalǵan birqatar ózgeristerdi usyndy. Qoǵamdyq keńesterdiń táýelsizdigi men ashyqtyǵyn qamtamasyz etý úshin Qoǵamdyq keńesti qalyptastyrý jónindegi jumys tobynyń basshysyn azamattyq qoǵam ókilderi qatarynan sailaý usynylady», - dedi Bolat Tlepov.
Sonymen birge, Aqparat jáne qoǵamdyq damý vitse-ministri qoǵamdyq keńester kandidattardyń qatarynan Rezervtik paraqty ózderi qalyptastyrady jáne shyǵyp qalǵandardyń ornyna jańa múshelerdi sailaýǵa qosymsha konkýrstar ótkize alatyndyǵy jóninde aityp berdi.
Atalǵan normalar qoǵamdyq keńester qyzmetiniń tiimdiligin arttyrýǵa múmkindik beredi, sebebi keńester quramyn der kezinde qalyptastyrý sheshimin talap etetin problemalyq máseleniń biri.
Zańda jergilikti deńgeide sandyq quramdy jáne respýblikalyq deńgeide qoǵamdyq keńester quramynyń sandyq parametrlerin belgileý boiynsha biryńǵai tásil usynylady.
Qoǵamdyq baqylaýdyń nysandary bolyp tabylatyn qoǵamdyq tyńdaýdy, qoǵamdyq saraptamany, qoǵamdyq monitoringti, memlekettik organdar basshylarynyń esepterin uiymdastyrý jáne ótkizý tártibin normativti túrde bekitý usynylady.
Qoǵamdyq keńesterge qoǵamdyq baqylaýdyń ártúrli nysandaryn júrgizý úshin táýelsiz sarapshylardy tartý múmkindigin berý usynylady.
Brifing barysynda Bolat Tlepov: «Aqparat jáne qoǵamdyq damý ministrligi Qoǵamdyq keńester máseleleri jónindegi ýákiletti organ retinde aiqyndalady, onyń quzyretine qoǵamdyq keńesterdiń qyzmetin úilestirý jáne ádistemelik qamtamasyz etýdi júzege asyrý kiredi», - dep atap ótti.
Memleket basshysyna qoǵamdyq keńesterdiń qyzmeti týraly jyl saiynǵy Ulttyq baiandamany daiyndaý jáne engizý usynylady.
Zańda Qoǵamdyq keńes qyzmetiniń jekelegen aspektilerin qarjylandyrý modelin engizý usynyldy, bul rette qoǵamdyq keńesterdiń músheleri óz qyzmetin qoǵamdyq negizde júzege asyratyn bolady, al keńesterdiń qyzmetin uiymdastyrýshylyq qamtamasyz etý tiisti biýdjet (respýblikalyq jáne jergilikti) esebinen qarjylandyrylatyn bolady.
Memleket basshysynyń Qazaqstan halqyna Joldaýynda aitylǵan tapsyrmasyn oryndaý sheńberinde kvazimemlekettik sektor sýbektilerinde qoǵamdyq keńester qurý boiynsha túzetýler engizilgen, olardyń ókilettikteri, quqyqtary men mindetteri belgilendi, sandyq quramy aiqyndaldy.
Zańnyń jańalyqtarynyń biri - qoǵamdyq keńester múshelerine memlekettik organdar men kvazimemlekettik sektor sýbektileriniń satyp alý komissiialarynyń jumysyna qatysý quqyǵyn berý bolyp tabylady.
Esterińizge sala keteiik, Qoǵamdyq keńester memleket pen azamattyq qoǵam arasyndaǵy dialog nysany retinde «100 naqty qadam» Ult josparyn júzege asyrý aiasynda qurylǵan bolatyn.
