QR Prezidentiniń keńesshisi Erlan Qarin Keńes otyrysynyń birinshi ortyrysynan úsh ai ótken soń aýqymdy jumys júrgizilgenin atap ótti. Bul týraly ol QR Prezidenti janyndaǵy Ulttyq qoǵamdyq senim keńesiniń otyrysynda málimdedi, dep habarlady Strategy2050.kz portaly.
«Eń aldymen Qoǵamdyq senim keńes músheleri usynǵan barlyq usynystar josparǵa engizildi. Bul josparda 70-ten astam tarmaq qarastyrylǵan. Atap aitqanda, jumys úsh baǵytty qamtyp otyr. Birinshiden, Prezident Ákimshiliginiń basshysy, Prezident Ákimshiliginiń orynbasary deńgeiinde jumys jinalystary ótkizildi. Oǵan Ulttyq keńes músheleri men memlekettik organ ókilderi qatysyp, saiasi-ekonomikalyq jáne áleýmettik-mádeni salalar aiasyndaǵy reformalar boiynsha jekelegen suraqtardy qarastyrdy. Berilgen suraqtar boiynsha jalpy joǵary deńgeide Aqordamen 1800 jumys jinalys pen talqylaý uiymdastyryldy», - dedi ol.
Sondai-aq, E.Qarin Ulttyq keńes músheleriniń usynystaryn iske asyrý boiynsha memlekettik organdardyń birinshi basshylar deńgeiinde talqylanǵanyn aitty.
«Memleket basshysy Ulttyq keńes múshelerimen jeńe kezdesýler ótkizdi. Búginge deiin osyndai kezdesýdiń 16-sy ótti. Bul kezdesýler odan ári de josparlanǵan. Josparǵa engen ár tarmaq - Prezident Ákimshiligi men memlekettik organdardyń zańdyq, ekonomikalyq jáne halyqaralyq standarttaryna sai», - dedi ol.
