Qoǵamdyq keńester men máslihat qyzmetteri birin-biri qaitalamaidy. OKQ-da ótken baspasóz máslihatynda Aqparat jáne qoǵamdyq damý vitse-ministri Bolat Tilepov osylai dedi, dep habarlaidy "Ult aqparat".
«Qoǵamdyq keńes pen máslihattyń jumysy birin-biri qaitalaidy dep aitýdyń ózi durys emes dep esepteimiz. Olardyń zańdy mártebesi eki bólek. Máslihat – jergilikti ózin-ózi basqarý organdary. Iaǵni, olardyń sheshiminiń zańdy kúshi bar. Al qoǵamdyq keńes – konsýltativti organ», - dedi vitse-ministr tilshilerdiń suraǵyna jaýap bere otyryp.
Onyń aitýynsha, qoǵamdyq keńesterdiń sheshiminiń de keńestik sipaty bar.
«Bul turǵyda biz fýnktsiialardyń birin-biri qaitalaitynyn emes, birin-biri tolyqtyratynyn aita ketýimiz kerek. Iaǵni, qoǵamdyq keńester shyntýaitynda memlekettik organdar, al qazirden bastap kvazimemlekettik sektor qabyldaityn sheshimderdiń ashyqtyǵyn qamtamasyz etetin qosymsha qural sanalady. Qoǵamdyq keńestiń basty mindeti – qoǵamnyń eń ózekti máselelerin talqyǵa shyǵarý», - dedi vitse-ministr.
