Beibitshilik jáne kelisim saraiynda Qazaqstan halqy Assambleiasy Qoǵamdyq kelisim keńesteriniń keńeitilgen otyrysy ótti. Onda QHA Qoǵamdyq keńesteriniń tájiribesi, Parlament Májilisindegi QHA depýtattyq toby jumysynyń nátijesi jáne basqa da máseleler talqylandy.
Sharaǵa QHA Tóraǵasynyń orynbasary – Hatshylyq meńgerýshisi Eraly Toǵjanov, Resei Federatsiiasy Ulttar isi jónindegi federaldyq agenttiginiń basshysy Igor Barinov, Májilis depýtattary, memlekettik organdardyń, QHA, etnomádeni birlestikterdiń ókilderi, reseilik delegatsiianyń músheleri qatysty.
Jiyndy ashqan Eraly Toǵjanov QHA Qoǵamdyq kelisim keńesteriniń búgingi otyrysy el Táýelsizdiginiń 25 jyldyǵyna arnalatynyn aita kelip, uiymnyń halyqtyń birligi men tatýlyǵyn nyǵaitý jolyndaǵy búgingi qyzmetine toqtalyp ótti.
Budan keiin sóz kezegin alǵan QHA Hatshylyǵy meńgerýshisiniń orynbasary Leonid Prokopenko qoǵamdyq keńesterdiń negizgi mindetine nazar aýdardy. Onyń sózine qaraǵanda, bul keńestiń negizgi mindeti – azamattyq qaǵidattar negizinde qazaqstandyq biregeilikti nyǵaitý jáne damytý maqsatynda qoǵam institýttaryn, saiasi jáne úkimettik emes uiymdardy, basqa da birlestikterdi jumyldyrý, sondai-aq, «Máńgilik El» jalpyulttyq patriottyq ideiasyn júzege asyrýdyń jáne qazaqstandyq patriotizmdi nasihattaýdyń tásilderin ázirleý. Budan bólek, L.Prokopenko qazirgi tańda elimiz boiynsha 2207 qoǵamdyq kelisim keńesteri jumys isteitinin, onyń 16-sy aimaqtyq, 40-y qalalyq, 172-si aýdandyq, 1861-i aýyldyq jerlerde, al 118-i iri kásiporyndar janynan qurylǵanyn atap ótti.
Sonymen birge, ol Assambleia jumysy Elbasy Nursultan Nazarbaevtyń tapsyrmalary negizinde júrgizilip otyrǵanyn sóz etti.
– Prezident Nursultan Nazarbaev bes institýttyq reformany júzege asyrý aiasynda Qoǵamdyq kelisim keńesin qurýdy tapsyrǵan bolatyn. Memleket basshysy atap kórsetkendei, Assambleianyń basty mindeti etnosaralyq kelisimdi saqtap qana qoimai, qoǵamdyq kelisimdi nyǵaitýǵa da úles qosý kerek, – dedi L.Prokopenko. Onyń aitýynsha, Prezidenttiń Qoǵamdyq kelisim keńesin qurý týraly tapsyrmasy Qazaqstan halqy Assambleiasynyń 2020 jylǵa deiingi damý tujyrymdamasyna da qosylǵan.
Otyrysta depýtattar, QHA-nyń óńirlerden kelgen músheleri sóz sóilep, uiymnyń el damýyndaǵy órkendi isterin keńinen áńgimelep berdi. Máselen, depýtat Iýrii Timoshenko QHA depýtattyq toby beibitshilik pen kelisim jolynda yntymaqtasa jumys isteýge daiyn ekenin jetkizdi.
– Búginde Qazaqstan halqy Assambleiasy – etnosaralyq máseleler jónindegi institýt qana emes, qoǵamdyq kelisimniń basty quraly, – dedi ol.
Otyrys barysynda Resei Federatsiiasy Ulttar isi jónindegi federaldyq agenttiginiń basshysy Igor Barinov sóz sóilep, Qazaqstanda qoǵamdyq kelisim men tatýlyqty arttyrý baǵytynda atqarylyp jatqan nátijeli jumystardyń kóp ekenine toqtaldy. Sonymen birge, ol ultaralyq jáne qoǵamdyq kelisim institýttary týraly oilaryn ortaǵa saldy.
Joldybai BAZAR,
«Egemen Qazaqstan»
.jpeg)