«Qoǵamdyq densaýlyq saqtaý institýty» jekemenshik mekemesi 2019 jyldyń barysynda iske asyrylǵan áleýmettik mańyzdy jobalar týraly jariialady, dep habarlaidy "Ult aqparat".
Densaýlyq saqtaý júiesi memlekettiń áleýmettik saiasatynyń ajyramas bóligi bolyp sanalady. Sondyqtan bul salada tiimdi basqarý - memleketti damytýdaǵy mańyzdy mindet. Osy salada sybailas jemqorlyqqa tosqaýyl qoiý - barynsha tiimdi sharalardy qajet etedi. Bul turǵyda «Meditsina jáne sybailas jemqorlyq - úilesimsiz» áleýmettik-mańyzdy jobasyn júzege asyrý aiasynda Qoǵamdyq densaýlyq saqtaý institýty Mańǵystaý oblysynyń turǵyndary arasynda áleýmettik mańyzdy jobany iske asyrdy.
Atap aitqanda, memlekettik sybailas jemqorlyqqa qarsy saiasattyń negizgi qaǵidalaryn, sybailas jemqorlyqqa qarsy zańnamanyń talaptaryn túsindire otyryp, bastapqy meditsinalyq-sanitarlyq kómek (BMSK) jáne statsionarlardyń meditsinalyq qyzmetkerlerimen seminarlar uiymdastyryldy.
«Budan bólek, BMSK jáne statsionarlardyń patsientterimen sybailas jemqorlyqqa qarsy saiasat boiynsha túsindirý jumystary júrgizildi. «Meditsina jáne sybailas jemqorlyq – úilesimsiz» atty keń aýqymdy aktsiia ótkizildi. Sonymen qatar, eń mańyzdysy - taqyryptyq aqparattyq-bilim berý materialdaryn kóbeitýge airyqsha mán berildi», - dep atap ótilgen Qoǵamdyq densaýlyq saqtaý institýtynyń málimetinde.
Jalpy, bul baǵyttaǵy sharalarǵa QR Sybailas jemqorlyqqa qarsy is-qimyl agenttigi ókilderiniń qatysýmen tiisti sharalar uiymdastyryldy. Osy oraida atalǵan vedomstvonyń Mańǵystaý oblysy boiynsha departamenti ókiliniń qatysýymen jemqorlyqqa qarsy memlekettik saiasattyń negizgi qaǵidattaryn jariialai otyryp, telehabar daiyndaldy.
Aita keteiik, aqparattyq kompaniia bastalǵanǵa deiin jáne aiaqtalǵannan keiin monitoring júrgizý jáne nátijelilik qorytyndysyn shyǵarý arqyly saýalnama da júrgizildi.
«Baqylaý júrgizý jumystarymen qatar, sybailas jemqorlyq úshin jaǵdai týǵyzatyn kemshilikterdi joiý negizgi sharalardyń biri bolýy tiis. Ol úshin transparenttilik pen ashyqtyqty arttyrý boiynsha júieli issharalar júrgizýdiń mańyzdylyǵy bar. Sondai-aq halyqpen bailanys qadamdaryna erekshe ekpin qoiylýy kerek», - deidi Qoǵamdyq densaýlyq saqtaý institýty ókilderi.
