Prezident Qasym-Jomart Toqaev «Qazaqstan» telearnasyna bergen suhbatynda qoǵamda eńbekqorlyq ideiasyn ornyqtyrý kerek ekenin jáne paidaly jumys isteimin degenderge múmkindik az emes ekenin aitty, - dep habarlaidy Tengrinews.kz agenttigi.
"Biz qoǵamda eńbekqorlyq ideiasyn ornyqtyrýymyz kerek. Týrasyn aitaiyq, bul qazir eń ózekti másele bolyp tur. Azamattarymyz adal eńbekpen tabys tabýdy eń basty orynǵa qoiýy qajet. Baqýatty el bolý biliktiń jumysyna ǵana emes, ol, eń aldymen, árbir azamattyń eńbegine bailanysty", - dedi Memleket basshysy.
Ol eldiń turmysyn qurǵaq sózben emes, naqty ispen kóterý kerek ekenin aitty.
"Bizdiń jastarymyz osyny aiqyn uǵynsa deimin. Elimizde belgili teris faktorlarǵa qaramastan, tiimdi, paidaly jumys atqaratyn múmkindikter az emes. Jaqsy men jaman týraly uly Abaidan asyryp eshkim aita almas. Sondai-aq oishyl aqynnyń "talap, eńbek, tereń oi, qanaǵat jáne raqym" degen danalyǵynyń da máni zor. Bul qaǵida bizge, ásirese osy zamanda aýadai qajet", - dedi ol.
