Qoǵam qairatkeri Ekologiia, geologiia jáne tabiǵi resýrstar ministrliginiń Qoǵamdyq keńesiniń tóraǵasy Saltanat Rahymbekova ómirden ozdy, dep habarlaidy "Ult aqparat".
Bul týraly óziniń Facebook paraqshasynda marqumnyń kúieýi, «Ulttyq agrarlyq ǵylymi- bilim berý ortalyǵy» kommertsiialyq emes aktsionerlik qoǵamynyń basqarma tóraǵasy Tóleýtai Rahymbekov jazdy.
Aita keteiik, Saltanat Rahymbekova 55 jasynda pnevmoniiadan kóz jumdy.
Saltanat Rahymbekova 1965 jyly týǵan. Qazaq aýyl sharýashylyǵy institýtyn «Injener-mehanik» mamandyǵy boiynsha jáne E.A. Bóketov atyndaǵy Qaraǵandy memlekettik ýniversitetin «Zańger» mamandyǵy boiynsha bitirgen. Ekonomika ǵylymdarynyń doktory. Ár jyldary Qaraǵandy oblysy ákiminiń keńesshisi, Qorshaǵan ortany qorǵaý ministriniń keńesshisi, «Atameken» Odaǵy Basqarma tóraǵasynyń keńesshisi, Kólik jáne kommýnikatsiia ministrliginiń qurylymynda jumys istedi. «Jasyl ekonomika» jáne G-Global-dy damytý koalitsiiasynyń basqarma tóraǵasy, Basqarýshy direktory qyzmetin atqardy. Osy jyldyń maýsym aiynan bastap eldiń Azamattyq aliansynyń prezidenti qyzmetin atqardy.
