Qoǵam belsendisi, «AMANAT» partiiasynyń múshesi Samat Nurtaza «Adal» partiiasynyń «AMANAT-qa» birigýiniń sebebin ózinshe túsindirip kórdi, dep habarlaidy "Ult aqparat".
Onyń aitýynsha, Nur Otan partiiasynyń ataýy men jumys isteý formaty ózgergennen keiin oǵan opponent bolyp kelgen «Adal» birigýge birden kelisken.
«Partiia transformatsiiaǵa ushyrap jatyr. Barlyǵy ózgerip, burynǵy format ózgerip, jańa stil paida bolyp, zamanaýi baǵyt aiqyndalǵandai.
Meniń oiymsha “Adal” partiiasynyń “Amanat” partiiasynyń qataryna kirýi, osy ózgergen rebrendingke, ózgergen baǵytqa bailanysty boldy. Buryn “Adal” qarsy bolyp júrse, búgin “Amanat” partiiasynyń liberaldy-demokratiialyq qundylyqtaryn kórip, qosylýǵa sheshim qabyldady», - deidi Samat Nurtaza.
Onyń pikirinshe, qazir halyqtyń «AMANAT» partiiasyna degen kózqarasy ózgerip, senimi artqan.
Aita keteiik, osy ýaqytta Almatyda «AMANAT» partiiasynyń uimdastyrýymen miting ótip jatyr. Jiyn el Prezidenti Qasym-Jomart Toqaevtyń jýyrda jariialaǵan saiasi reformalaryn qoldaýǵa arnalǵan.
