قوعام بەلسەندٸسٸ, «AMANAT» پارتيياسىنىڭ مٷشەسٸ سامات نۇرتازا «Adal» پارتيياسىنىڭ «AMANAT-قا» بٸرٸگۋٸنٸڭ سەبەبٸن ٶزٸنشە تٷسٸندٸرٸپ كٶردٸ, دەپ حابارلايدى "ۇلت اقپارات".
ونىڭ ايتۋىنشا, Nur Otan پارتيياسىنىڭ اتاۋى مەن جۇمىس ٸستەۋ فورماتى ٶزگەرگەننەن كەيٸن وعان وپپونەنت بولىپ كەلگەن «Adal» بٸرٸگۋگە بٸردەن كەلٸسكەن.
«پارتييا ترانسفورماتسيياعا ۇشىراپ جاتىر. بارلىعى ٶزگەرٸپ, بۇرىنعى فورمات ٶزگەرٸپ, جاڭا ستيل پايدا بولىپ, زاماناۋي باعىت ايقىندالعانداي.
مەنٸڭ ويىمشا “ادال” پارتيياسىنىڭ “امانات” پارتيياسىنىڭ قاتارىنا كٸرۋٸ, وسى ٶزگەرگەن رەبرەندينگكە, ٶزگەرگەن باعىتقا بايلانىستى بولدى. بۇرىن “ادال” قارسى بولىپ جٷرسە, بٷگٸن “امانات” پارتيياسىنىڭ ليبەرالدى-دەموكراتييالىق قۇندىلىقتارىن كٶرٸپ, قوسىلۋعا شەشٸم قابىلدادى», - دەيدٸ سامات نۇرتازا.
ونىڭ پٸكٸرٸنشە, قازٸر حالىقتىڭ «AMANAT» پارتيياسىنا دەگەن كٶزقاراسى ٶزگەرٸپ, سەنٸمٸ ارتقان.
ايتا كەتەيٸك, وسى ۋاقىتتا الماتىدا «AMANAT» پارتيياسىنىڭ ۇيمداستىرۋىمەن ميتينگ ٶتٸپ جاتىر. جيىن ەل پرەزيدەنتٸ قاسىم-جومارت توقاەۆتىڭ جۋىردا جارييالاعان ساياسي رەفورمالارىن قولداۋعا ارنالعان.
