Foto: unsplash
Elordada azot totyǵyn zańsyz paidalaný faktileri toqtatyldy, dep habarlaidy Ult.kz.
Astana qalasy prokýratýrasynyń habarlaýynsha búgingi tańda qoǵamnyń negizgi máseleleriniń biri — nashaqorlyq.
Kóbinese azamattar bul dertke tikelei emes, «azot totyǵy» dep atalatyn «kúldiretin gazdy» paidalaný arqyly tartylady.
Azot totyǵy esirtki zatyna jatpaidy, alaida ol kúshti áser etetin zattarǵa jatady.
Ony meditsinalyq maqsatta emes qoldanǵany úshin Ákimshilik quqyq buzýshylyq týraly kodekstiń (budan ári – ÁQBtK) 440-1-baby boiynsha ákimshilik jaýapkershilik kózdelgen.
Nashaqorlyqtyń aldyn alý boiynsha profilaktikalyq sharalardy júzege asyrý maqsatynda elorda prokýratýrasynyń bastamasymen Politsiia departamenti 15 oiyn-saýyq mekemesinde reidtik is-sharalar júrgizdi.
Nátijesinde 7 ballon azot totyǵy jáne 14 paket sharikter (azot totyǵymen dem alý úshin paidalanylady) tárkilendi, 4 tulǵaǵa ÁQBtK-niń 440-1-baby boiynsha 10 táýlikke ákimshilik qamaq qoldanyldy.
Nashaqorlyq jáne kúshti áser etetin zattardyń zańsyz qoldanylý faktilerin anyqtaý men aldyn alý turaqty negizde júrgizilýde.
Bul jumys elorda prokýratýrasynyń erekshe baqylaýynda.
