Aqmola oblysyndaǵy qyzǵylt tústi Kóbeituz kóliniń tuzyn saýdalaǵandar anyqtaldy. Bul týraly QR Ishki ister vitse-ministri Aleksei Kalaichidi aityp berdi, dep habarlaidy QazAqparat.
«Bul rette biz áleýmettik jeli boiynsha jumys isteimiz. Dári-dármekke qatysty da kóptegen zańsyz faktiler áleýmettik jelide tabylǵan. Bizdiń esepte jalǵyz Kóbeituz turǵan joq. Osyndai qyzmet kórsetiletin túrli chattar men toptar boiynsha jumys isteimiz. Kóbeituz boiynsha da tuzdy emdik shipasy bar dep satqan adamdar anyqtaldy», - dedi spiker Ortalyq kommýnikatsiialar qyzmetinde ótken onlain brifingide.
Vitse-ministr mundai adamdardan tuzdy satyp alǵandarǵa esh jaza qoldanylmaitynyn jetkizdi.
«Tuzdy satyp alǵandardy esh jaýapqa tarta almaimyz. Al satqan adamdarǵa Ákimshilik kodekste tiisti baptar qarastyrylǵan. Tipti bir emes, birneshe bap boiynsha da jazalanatyn bolady», - dedi A. Kalachidi.
