Qazaqstan musylmandary dini basqarmasy koronavirýs indeti kezinde janaza namazy men jerleý rásimin ótkizýge qatysty málimdeme jasady, dep habarlaidy "Ult aqparat".
Qazaqstan musylmandary dini basqarmasy elimizdegi karantin is-sharalaryn saqtai otyryp, indettiń aldyn alý maqsatynda el azamattaryn janaza namazy men jerleý rásimin ótkizýge qatysty talaptardy oryndaýǵa jáne din qyzmetkerlerine barynsha qoldaý kórsetýge shaqyrady.
Máiitti jýýdy, kebindeýdi, janaza namazyn oqýdy jáne qabirge qoiýdy sanitarlyq-epidemiologiialyq talaptarǵa sai ótkizýge;
Janaza namazyna, jerleý isine qatysatyn adamdarǵa betperde taǵýǵa, qol alysyp amandaspaýǵa;
Janaza namazyn uzaǵymen 5 minýt ishinde ótkizýge, máiitti jerlep bolǵannan keiin halyqty kóp ustamai lezde qaitarýǵa;
Zeinet jastaǵy kisilerge, densaýlyǵy nashar nemese aýyryp júrgen adamdarǵa jáne mektep jasyndaǵy balalarǵa janaza namazyna qatyspaýǵa;
Janaza namazyna jáne qabir basynda barlyq qatysýshylardy qosqanda 10 kisiden artyq jinalmaýǵa;
Janaza namazyn qoǵamdyq oryndarda ótkizbeýge;
Qabir basyn kóterý, kesene salý jáne ony qorshaý jumystaryn toqtatyp, marqumnyń basyna belgi qoiýmen shektelýge;
Halyqty jinap qonaq asyn ótkizýdi, jerleý rásiminen keiin as berýdi, jetisi, qyrqy, jyly t.b. Qudaiy astardy elimizde epidemiologiialyq jaǵdai tolyq turaqtalǵanǵa deiin toqtatý usynylǵan.
