Foto: Pexels.com
Qazaqstan musylmandary dini basqarmasy (QMDB) áielderdiń kosmetika qoldanýyna qatysty islamdaǵy kózqarasty túsindirdi. Áielderge boianýǵa ruqsat berilgenimen, bul tek kúieýi men jaqyn týystary (mahramdary) aldynda ǵana júzege asyrylýy tiis. Al kópshilik arasynda, tipti jeńil reńk nemese týsh jaǵý shariǵatqa sáikes tyiym salynǵan, dep habarlaidy Ult.kz.
QMDB-nyń resmi málimdemesinde kosmetika qoldanýǵa tek belgili sharttar saqtalǵan jaǵdaida ǵana ruqsat etiletini aitylǵan.
«Áiel adam tek óz kúieýi men mahramdary (jaqyn týystary) aldynda ǵana boianýǵa bolady. Bóten er adamdardyń aldynda kosmetika qoldanýǵa bolmaidy, meili ol jeńil bolsyn, aiqyn makiiaj bolsyn», — delingen jaýapta.
Sonymen qatar, kúieýiniń qaitys bolýynan keiingi idda merzimin ótkerip jatqan áielder úshin makiiaj qoldaný 4 ai 10 kún boiy tyiym salynǵan. Bul ýaqytta jesir áielge qaita turmysqa shyǵýǵa, kosmetika qoldanýǵa nemese parfiým jaǵýǵa ruqsat joq.
Basqa sharttar:
- Kosmetika densaýlyqqa ziian tigizbeýi tiis;
- Makiiaj qarapaiymdylyq normalaryna jáne jergilikti dástúrlerge sáikes bolýy kerek;
- Ysyrapshyldyqqa jol berilmeýi qajet;
- Kosmetikalyq quraldar taza (halal) bolýy jáne quramynda terige sý sińýine kedergi keltiretin zattar bolmaýy kerek. Bul mańyzdy, óitkeni dáret alý kezinde sý deneniń jýylýǵa tiis barlyq bólikterine jetýi qajet.
