فوتو: Pexels.com
قازاقستان مۇسىلماندارى دٸني باسقارماسى (قمدب) ەيەلدەردٸڭ كوسمەتيكا قولدانۋىنا قاتىستى يسلامداعى كٶزقاراستى تٷسٸندٸردٸ. ەيەلدەرگە بويانۋعا رۇقسات بەرٸلگەنٸمەن, بۇل تەك كٷيەۋٸ مەن جاقىن تۋىستارى (ماحرامدارى) الدىندا عانا جٷزەگە اسىرىلۋى تيٸس. ال كٶپشٸلٸك اراسىندا, تٸپتٸ جەڭٸل رەڭك نەمەسە تۋش جاعۋ شاريعاتقا سەيكەس تىيىم سالىنعان, دەپ حابارلايدى Ult.kz.
قمدب-نىڭ رەسمي مەلٸمدەمەسٸندە كوسمەتيكا قولدانۋعا تەك بەلگٸلٸ شارتتار ساقتالعان جاعدايدا عانا رۇقسات ەتٸلەتٸنٸ ايتىلعان.
«ەيەل ادام تەك ٶز كٷيەۋٸ مەن ماحرامدارى (جاقىن تۋىستارى) الدىندا عانا بويانۋعا بولادى. بٶتەن ەر ادامداردىڭ الدىندا كوسمەتيكا قولدانۋعا بولمايدى, مەيلٸ ول جەڭٸل بولسىن, ايقىن ماكيياج بولسىن», — دەلٸنگەن جاۋاپتا.
سونىمەن قاتار, كٷيەۋٸنٸڭ قايتىس بولۋىنان كەيٸنگٸ يددا مەرزٸمٸن ٶتكەرٸپ جاتقان ەيەلدەر ٷشٸن ماكيياج قولدانۋ 4 اي 10 كٷن بويى تىيىم سالىنعان. بۇل ۋاقىتتا جەسٸر ەيەلگە قايتا تۇرمىسقا شىعۋعا, كوسمەتيكا قولدانۋعا نەمەسە پارفيۋم جاعۋعا رۇقسات جوق.
باسقا شارتتار:
- كوسمەتيكا دەنساۋلىققا زييان تيگٸزبەۋٸ تيٸس;
- ماكيياج قاراپايىمدىلىق نورمالارىنا جەنە جەرگٸلٸكتٸ دەستٷرلەرگە سەيكەس بولۋى كەرەك;
- ىسىراپشىلدىققا جول بەرٸلمەۋٸ قاجەت;
- كوسمەتيكالىق قۇرالدار تازا (حالال) بولۋى جەنە قۇرامىندا تەرٸگە سۋ سٸڭۋٸنە كەدەرگٸ كەلتٸرەتٸن زاتتار بولماۋى كەرەك. بۇل ماڭىزدى, ٶيتكەنٸ دەرەت الۋ كەزٸندە سۋ دەنەنٸڭ جۋىلۋعا تيٸس بارلىق بٶلٸكتەرٸنە جەتۋٸ قاجەت.
