Memleket basshysy Qasym-Jomart Toqaev televiziialyq Úndeýinde 13 shilde – Ulttyq aza tutý kúni bolyp belgilengenin aitqan bolatyn.
Osyǵan orai Qazaqstan musylmandary din basqarmasynyń tóraǵasy, Bas múfti Naýryzbai qajy Taǵanulynyń bastamasymen elimizdegi respýblikalyq, oblystyq iri-iri meshitterde jáne medreselerde, qarilar daiarlaý ortalyqtarynda 100 (júz) Quran Hatym oqylýda, dep habarlaidy QMDB resmi saitynda.
13 shilde kúni elorda ýaqytymen saǵat 13:00-de osy kúnderi qarilarymyz oqyp jatqan Quran Hatymnyń duǵasy jasalady. Al Bas múftidiń qatysýymen respýblikalyq «Áziret Sultan» meshitinde jasalatyn Quran Hatym duǵasyna QMDB-nyń Instagram jelisindegi resmi paraqshasy jáne YouTube kanaly arqyly onlain qosylýǵa múmkindik bar.
«Qazaqstan musylmandary dini basqarmasy elimizdegi barsha musylman qaýymyn osy kúnderi shama kelgenshe Quran oqyp, Allany zikir etip, keshirim tilep jáne Paiǵambarymyzǵa (oǵan Allanyń salaýaty men sálemi bolsyn) kóptep salaýat aityp, respýblika imamdarymen, qarilarymen 13 shilde kúni bir mezette el amandyǵy úshin duǵa jasaýǵa shaqyrady», delingen dini basqarma taratqan habarlamada.
