Sýret: Depositphotos
Qarjylyq monitoring agenttigi dene shynyqtyrý jáne sport salasyn damytýǵa bólingen memleket qarjysynyń urlanýynyń aldyn alý boiynsha jumys júrgizip jatyr, dep habarlaidy "Ult aqparat" vedomstvonyń baspasóz qyzmetine silteme jasap.
QMA málimetinshe, sporttyq-saýyqtyrý is-sharalarynyń, nysandardyń, qurama komandalardyń, buqaralyq sporttyq is-sharalardyń, federatsiialardyń reitingi men qaýipteri kórsetilgen tizbesi qalyptastyrylǵan. Sondai-aq, salany qarjylandyrýdyń joldary men kólemi, onyń ishinde demeýshilik kómek kólemin anyqtaý baǵytynda jumystar júrgizilip jatyr.
"2023 jyldyń 6 aiynda ǵana Agenttikte jalpy somasy 269,3 mln teńge zalaly bar 21 is tergelip jatyr.
Aita keteiik, ashyq aqparat kózderinen alynǵan málimetterge sáikes, 2019-2023 jyldar aralyǵynda sportty damytýǵa shamamen 300 mlrd teńge bólingen.
Agenttik taýarlar men qyzmetterdi joǵarylatylǵan baǵamen satyp alý, qyzmet kórsetýdiń naqty oryndalmaýy jáne basqa da buzýshylyqtar boiynsha taldaý júrgizedi. Bul jumystardyń nátijesinde sportty damytýǵa bólingen biýdjet qarajatynyń urlanýyna jaǵdai týǵyzatyn sebepterdi anyqtaý jáne mundai zań buzýshylyqtardyń aldyn alatyn tetikterdi jetildirý boiynsha usynystar ázirleý josparlanyp otyr" - delingen habarlamada.
QMA memlekettik biýdjet qarajatyn jymqyrý úshin qylmystyq jaýapkershilik qarastyrylǵanyn eskertti.
