Foto: elements.envato.com
Qarjylyq monitoringi agenttigi qarjy piramidasy retinde áreket etedi degen kúdikke ilingen, sondai-aq sot úkimi shyqqan uiymdardyń keńeitilgen tizimin jariialady, - dep habarlaidy "Ult aqparat" vedomstvonyń baspasóz qyzmetine silteme jasap.
QMA málimetinshe, endi óz qarajatyn investitsiialaýǵa bel býǵan árbir azamat kompaniianyń senimdiligin QNRDA reestrinen ǵana emes, sonymen qatar osy tizim arqyly teksere alady.
"Agenttik biyl 22 qarjy piramidasyn anyqtaǵan. Kiberbaqylaý júiesinde 4000-ǵa jýyq saittar men akkaýnttar buǵattaldy.
Aldyn alý jumystary aiasynda áleýmettik jeli qoldanýshylaryna eskertýler jiberý nátijesinde búginde 52 myń jeli paidalanýshysy qarjylyq piramida belgileri bar kontentke jazylýdan bas tartty", - delingen habarlamada.
Eske salaiyq, qarajatty investitsiialaý kezinde azamattar belgili bir kompaniiada qarjylyq piramida belgileriniń bar-joǵyn tekserý úshin QMA telegram-botyn paidalana alady. Jyl basynan beri qyzmetke 3511 ótinish túsken.
"Azamattardy qyraǵy bolýǵa jáne jinaqtaryn kúmándi qarjy institýttaryna salmaýǵa shaqyramyz. Eger siz jáne sizdiń jaqyndaryńyz qarjy piramidasynyń áreketinen zardap shekse, QMA sall-ortalyǵyna habarlasyńyz", - delingen habarlamada.
