Foto: Pavlodar oblysy ákimdiginiń baspasóz qyzmeti
QMA Pavlodar oblysy boiynsha departamenti "Bogatyr-Kómir" JShS-men birlesip, kapitalynyń 50%-y "Samuryq-Qazyna" qoryna tiesili kómir óndirý kásipornyndaǵy jymqyrý shemasyn anyqtady, dep habarlaidy "Ult aqparat" Qarjylyq monitoring agenttiginiń baspasóz qyzmetine silteme jasap.
"Kúdiktiniń 2020-2022 jyldar aralyǵynda "Bogatyr-Kómir" JShS qabyldaý komissiiasymen aldyn ala sóz bailasý arqyly seriktestiktiń qarajatyn júieli túrde jymqyrý áreketi anyqtaldy.
Shema jalpy somasy 830 mln teńgeni quraityn jańa bólshekterdiń ornyna aitarlyqtai tozǵan, paidalanylǵan qosalqy bólshekterdi jetkizýden turdy.
Bul áreketter memleketke asa iri kólemde materialdyq zalal keltirgen. Kúdiktige qatysty sot "úiqamaq" túrindegi bultartpaý sharasyn tańdady" - delingen habarlamada.
Atalǵan fakti boiynsha sotqa deiingi tergeý amaldary júrgizilýde. Tergeý múddesindegi basqa aqparat jariia etilmeidi.
QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi.
