Prezident Dúniejúzilik ekonomikalyq forýmnyń negizin qalaýshy ári atqarýshy direktory Klaýs Shvabpen kezdesti, dep habarlaidy "Ult aqparat" Aqordanyń resmi saityna silteme jasap.
Kezdesýde Qazaqstan men Dúniejúzilik ekonomikalyq forým arasyndaǵy yntymaqtastyqty damytý perspektivalary qarastyryldy, sondai-aq qazirgi zamannyń ózekti syn-qaterleri men úrdisteri týraly pikir almasty.
Memleket basshysy Dúniejúzilik ekonomikalyq forýmnyń «Astana» halyqaralyq qarjy ortalyǵymen tabysty yntymaqtastyǵy týraly aitty.
Klaýs Shvab Prezidentti 2023 jyly qańtarda Davosta ótetin Dúniejúzilik ekonomikalyq forýmǵa qatysýǵa shaqyrdy. Sonymen qatar elimizde Qasym-Jomart Toqaevtyń basshylyǵymen júzege asyrylyp jatqan saiasi jáne ekonomikalyq reformalardy joǵary baǵalady.
