QHR-dyń Qazaqstandaǵy elshisi Chjan Hanhýei Qytai qazaqtary qysym kórip jatyr degen málimdemege jaýap berdi, - dep habarlaidy "Karavan".
Osyǵan deiin QR Parlamentiniń depýtattary osy máseleni kótergen edi. QR Syrtqy ister ministrliginiń ókilderi de bul málimettiń tekserilip jatqanyn málimdegen bolatyn.
Chjan Hanhýeidiń aitýynsha, Sintszian-Uiǵyr avtonomdy aýdanynyń turǵyndaryna qatysty qatań sharalar tek qazaq diasporasyna emes, sondai-aq, basqa da ulttyń ókilderine qatysty qoldanylyp kelgen.
Sonymen qatar, Chjan Hanhýei memlekettiń osy óńirge qarjylai kómek kórsetip jatqanyn aityp ótti.
"QHR eshqashan da kemsitýshilik saiasatyn júrgizbegen jáne júrgizbeidi", - dedi Chjan Hanhýei.
"Biz KHR-daǵy qazaqtardyń, naqtyraq aitsaq, Uiǵyr avtonomiialyq okrýgindegi Sintszianda shekara asyp, saparǵa shyǵarda resmi qujat alýda qiyndyqtarǵa tap bolyp jatqanyn anyqtadyq, KHR-da memlekettik qyzmette jumys isteitinderdiń tólqujat alýynda belgili bir qiyndyqtarǵa tap bolyp jatqanyn bildik. Bul máselelerdi biz muqiiat tekserip jatyrmyz, saraptaýdamyz, sondai-aq, máseleni qytailyq áriptesterimizben talqylap jatyrmyz. Bizdiń SIM-ge resmi tártippen túsken ótinishti nazarsyz qaldyrmaimyz", - degen edi osyǵan deiin QR SIM ministri.
