«Barys» óz aidynynda «Dinamo» (Riga) komandasyn qabyldady, dep habarlaidy QazAqparat.
Birinshi kezeńde 17-minýtta elordalyqtar kapitany Roman Starchenko esep ashty.
Ekinshi taimda Anton Sagadeev esepti eselegenimen, qonaqtardan Martinsh Karsýms gol soqty. Degenmen R.Starchenko taǵy da mergendik tanytty - 3:1.
Úshinshi kezeń Iýrii Mihailis shákirtteriniń tolyqtai basymdylyǵymen ótti. Áýeli Iakob Berglýnd kózge tústi. Sosyn Nikita Mihailis qatarynan eki goldyń avtory atandy. Matchtyń aiaqtalýyna sanaýly sekýndtar qalǵanda, Roman Savchenko núkte qoidy - 7:1.
Osylaisha 45 oiynnan keiin 44 upai jinaǵan «Barys» Shyǵys konferentsiiasynda segizinshi orynǵa nyq jaiǵasty.
Elordalyqtar kelesi básekeni 5 jeltoqsan kúni óz aidynynda QHL kóshbasshylarynyń biri - «Metallýrg» (Magnitogorsk) klýbymen ótkizedi.
