«بارىس» ٶز ايدىنىندا «دينامو» (ريگا) كومانداسىن قابىلدادى, دەپ حابارلايدى قازاقپارات.
بٸرٸنشٸ كەزەڭدە 17-مينۋتتا ەلوردالىقتار كاپيتانى رومان ستارچەنكو ەسەپ اشتى.
ەكٸنشٸ تايمدا انتون ساگادەەۆ ەسەپتٸ ەسەلەگەنٸمەن, قوناقتاردان مارتينش كارسۋمس گول سوقتى. دەگەنمەن ر.ستارچەنكو تاعى دا مەرگەندٸك تانىتتى - 3:1.
ٷشٸنشٸ كەزەڭ يۋريي ميحايليس شەكٸرتتەرٸنٸڭ تولىقتاي باسىمدىلىعىمەن ٶتتٸ. ەۋەلٸ ياكوب بەرگلۋند كٶزگە تٷستٸ. سوسىن نيكيتا ميحايليس قاتارىنان ەكٸ گولدىڭ اۆتورى اتاندى. ماتچتىڭ اياقتالۋىنا ساناۋلى سەكۋندتار قالعاندا, رومان ساۆچەنكو نٷكتە قويدى - 7:1.
وسىلايشا 45 ويىننان كەيٸن 44 ۇپاي جيناعان «بارىس» شىعىس كونفەرەنتسيياسىندا سەگٸزٸنشٸ ورىنعا نىق جايعاستى.
ەلوردالىقتار كەلەسٸ بەسەكەنٸ 5 جەلتوقسان كٷنٸ ٶز ايدىنىندا قحل كٶشباسشىلارىنىڭ بٸرٸ - «مەتاللۋرگ» (ماگنيتوگورسك) كلۋبىمەن ٶتكٸزەدٸ.
