Elordalyq «Barys» qurlyqtyq hokkei ligasynda búgin Finliandiianyń «Iokerit» komandasyn qabyldady, dep habarlaidy "Ult aqparat".
Oiynnyń birinshi kezeńinde komandalar bir-biriniń qaqpasynan sańylaý taba alǵan joq. Esesine ekinshi kezeń elordalyq klýb úshin sátti boldy. Aldymen 24-minýtta Egor Petýhov «Barysty» alǵa shyǵarsa, Arkadii Shestakov 36-minýtta esepti ústemelei tústi.
Úshinshi kezeń de aidyn ielerine sátti bastaldy. Elordalyq hokkeishi Iakob Lilia 41-minýtta mergendik tanytsa, 43-minýtta Linýs Viddel qarsylastar qaqpasyn dál kózdedi.
Odan keiin «Iokerit» hokkeishileri úsh shaiba soǵyp ketti. Regin Peter 45, 53 minýttarda mergendik tanytsa, 52-minýtta Kivista Tommi bir goldyń avtory atandy. Al 59-minýtta Mikko Lihtenen tarazy basyn teńestirdi. Kezdesý 4:4 esebimen teń aiaqtaldy. Oiyn overtaimǵa ulasty. Overtaimda «Iokerit» jeńis shaibasyn soqty.
Eki komanda buǵan deiin 11 márte kezdesti. Onyń 7-eýi «Barystyń» jeńisimen aiaqtalsa, qalǵanynda finliandiialyq klýbtyń mereii ústem boldy.
