قحل: «بارىس» وۆەرتايمدا «يوكەريتتەن» جەڭٸلٸپ قالدى

ەلوردالىق «بارىس» قۇرلىقتىق حوككەي ليگاسىندا بٷگٸن فينلياندييانىڭ «يوكەريت» كومانداسىن قابىلدادى, دەپ حابارلايدى "ۇلت اقپارات".

ويىننىڭ بٸرٸنشٸ كەزەڭٸندە كوماندالار بٸر-بٸرٸنٸڭ قاقپاسىنان ساڭىلاۋ تابا العان جوق. ەسەسٸنە ەكٸنشٸ كەزەڭ ەلوردالىق كلۋب ٷشٸن سەتتٸ بولدى. الدىمەن 24-مينۋتتا ەگور پەتۋحوۆ «بارىستى» العا شىعارسا, اركاديي شەستاكوۆ 36-مينۋتتا ەسەپتٸ ٷستەمەلەي تٷستٸ. 

ٷشٸنشٸ كەزەڭ دە ايدىن يەلەرٸنە سەتتٸ باستالدى. ەلوردالىق حوككەيشٸ ياكوب ليليا 41-مينۋتتا مەرگەندٸك تانىتسا, 43-مينۋتتا لينۋس ۆيددەل قارسىلاستار قاقپاسىن دەل كٶزدەدٸ. 

ودان كەيٸن «يوكەريت» حوككەيشٸلەرٸ ٷش شايبا سوعىپ كەتتٸ. رەگين پەتەر 45, 53 مينۋتتاردا مەرگەندٸك تانىتسا, 52-مينۋتتا كيۆيستا توممي بٸر گولدىڭ اۆتورى اتاندى. ال 59-مينۋتتا ميككو ليحتەنەن تارازى باسىن تەڭەستٸردٸ. كەزدەسۋ 4:4 ەسەبٸمەن تەڭ اياقتالدى. ويىن وۆەرتايمعا ۇلاستى. وۆەرتايمدا «يوكەريت» جەڭٸس شايباسىن سوقتى. 

ەكٸ كوماندا بۇعان دەيٸن 11 مەرتە كەزدەستٸ. ونىڭ 7-ەۋٸ «بارىستىڭ» جەڭٸسٸمەن اياقتالسا, قالعانىندا فينلياندييالىق كلۋبتىڭ مەرەيٸ ٷستەم بولدى.