Korei Ulttyq armiiasynyń vitse-marshaly, Ulttyq qaýipsizdik keńesiniń múshesi Chhve Ren He KHDR-dyń AQSh bastaǵan iadrolyq soqqysyna iadrolyq qarýmen jaýap beretinin málimdedi, - dep habarlaidy "RIA Novosti"-ǵa silteme jasaǵan kaz.tengrinews.kz.
Sondai-aq, Kiodo agenttiginiń málimetinshe, Chhve Ren He "iadrolyq qarýdyń amerikalyqtardyń soqqysyn janshyp tastaitynyn" málimdegen.
"Amerika arandatýshylyq áreketter jasaityn bolsa, biz de tez arada olardy jappai talqandaimyz, jappai qyrǵyn soǵysqa jappai qyrǵyn soǵyspen, iadrolyq soǵysqa iadrolyq soqqymen jaýap beremiz", - dedi joǵary shendi Chhve Ren He.
Aita keteiik, qazirgi ýaqytta Phenianda memlekettiń negizin qalaǵan Kim Ir Senniń 105 jyldyq mereitoiyna arnalǵan sherý ótip jatyr. Bul kún Soltústik Koreiada memlekettik basty meiram bolyp sanalady. Osy kúnge orai Soltústik Koreia is-sharaǵa 200 sheteldik jýrnalisti shaqyrǵan.
Eske sala keteiik, osyǵan deiin AQSh-tyń kezekti iadrolyq synaqtyń aldyn alý úshin Soltústik Koreianyń áskeri nysandaryna eskertý soqqysyn jasaýy múmkin ekeni aitylǵan bolatyn. Telearnanyń málimetinshe, AQSh-tyń barlaý qyzmeti Phenian aldaǵy demalys kúnderi kezekti iadrolyq synaqtar ótkizedi dep esepteidi. AQSh "Tomagavky" bar áskeri mina tasýshylaryn iadrolyq synaqtar ótkiziledi delingen jerden 500 shaqyrym jerge ornalastyrylǵan.
