Seisenbi kúni tańerteń Koreia Respýblikasy men KHDR arasyndaǵy qatynastardy qalyptastyrý maqsatynda ótken dialogtyń birinshi kezeńi aiaqtaldy, dep habarlaijy "Ult aqparat" TASS agenttigine silteme jasap.
Habarlamada aitylǵandai, koreiaaralyq kelissózderdiń basty taqyryby Seýl men Phenian arasyndaǵy qarym-qatynastardy jaqsartýǵa qadam jasaý, onyń ishinde KHDR sportshylaryn Phenchanda ótetin qysqy Olimpiadaǵa qatystyrý boldy.
Kelissózder demilitarizatsiialanǵan aýmaqtaǵy Phanmýndjom kelissózder pýnktindegi "Beibitshilik" úii atty ǵimaratta ótti. Aita keteiik, kelissózder jabyq tártipte ótip jatyr, iaǵni jýrnalister qatysyp jatqan joq.
Qos taraptyń kelisózder tobyna bes-bes adamnan kiredi. Koreia Respýblikasynyń delegatsiiasyn birigý ministri Cho Mion Gion bastap kelse, KHDR jaǵyna Koreianyń beibit birigý komitetiniń tóraǵasy Ri Son Gvon basshylyq etedi.
Eske sala keteiik, sońǵy ret KHDR men Korei Respýblikasy arasyndaǵy kelissóz 2015 jyly jeltoqsanda ótken bolatyn.
