KHDR qurlyqaralyq «Hvason-15» ballistikalyq zymyranyn synap kórdi. Bul jaily eldiń ortalyq telearnasy taratqan málimdemede aitylǵan, dep jazady TASS.
Ballistikalyq zymyran 950 km ushyp, 4 myń 475 km biiktikti baǵyndyrdy.
«Hvason-15» zymyranynyń qulaý aýmaǵy AQSh-tyń barlyq territoriiasyndai jerdi qamtyǵan.
Óz kezeginde, AQSh prezidenti Donald Tramp Soltústik Koreianyń kezekti ret qurlyqaralyq ballistikalyq zymyran synaǵanyna birden jaýap qatty. "Biz bul jaǵdaimen ainalysamyz" dedi Tramp, biraq ol naqty qandai shara jasalatynyn aitpady.
AQSh qorǵanys ministrligi Soltústik Koreia territoriiasynan zymyran ushyrylǵanyn tirkegenin málimdedi. Zymyran shamamen 1 myń kilometr ushyp baryp, Japon teńizine qulaǵan. Basqa derekkózderi zymyrannyń teńizge qulaǵanǵa deiin 50 minýttai ýaqyt ushqanyn aitady. CNN-niń habarlaýynsha, 2017 jyly Soltústik Koreia ushyrǵan osymen besinshi zymyran Japoniianyń ekonomikalyq aimaǵyna qulap otyr.
AQSh pen Ońtústik Koreia áskerileri tań ata ushyrylǵan zymyran týraly alynǵan aqparattardyń taldap jatyr.
Gýam araldarynan jetken málimet boiynsha, Soltústik Koreia atqan zymyran Tynyq muhitynyń batys bóligindegi AQSh territoriialaryna "tikelei qaýip tóndirmegen".
