كحدر قۇرلىقارالىق «حۆاسون-15» بالليستيكالىق زىمىرانىن سىناپ كٶردٸ. بۇل جايلى ەلدٸڭ ورتالىق تەلەارناسى تاراتقان مەلٸمدەمەدە ايتىلعان, دەپ جازادى تاسس.
بالليستيكالىق زىمىران 950 كم ۇشىپ, 4 مىڭ 475 كم بيٸكتٸكتٸ باعىندىردى.
«حۆاسون-15» زىمىرانىنىڭ قۇلاۋ اۋماعى اقش-تىڭ بارلىق تەرريتوريياسىنداي جەردٸ قامتىعان.
ٶز كەزەگٸندە, اقش پرەزيدەنتٸ دونالد ترامپ سولتٷستٸك كورەيانىڭ كەزەكتٸ رەت قۇرلىقارالىق بالليستيكالىق زىمىران سىناعانىنا بٸردەن جاۋاپ قاتتى. "بٸز بۇل جاعدايمەن اينالىسامىز" دەدٸ ترامپ, بٸراق ول ناقتى قانداي شارا جاسالاتىنىن ايتپادى.
اقش قورعانىس مينيسترلٸگٸ سولتٷستٸك كورەيا تەرريتوريياسىنان زىمىران ۇشىرىلعانىن تٸركەگەنٸن مەلٸمدەدٸ. زىمىران شامامەن 1 مىڭ كيلومەتر ۇشىپ بارىپ, جاپون تەڭٸزٸنە قۇلاعان. باسقا دەرەككٶزدەرٸ زىمىراننىڭ تەڭٸزگە قۇلاعانعا دەيٸن 50 مينۋتتاي ۋاقىت ۇشقانىن ايتادى. CNN-نٸڭ حابارلاۋىنشا, 2017 جىلى سولتٷستٸك كورەيا ۇشىرعان وسىمەن بەسٸنشٸ زىمىران جاپونييانىڭ ەكونوميكالىق ايماعىنا قۇلاپ وتىر.
اقش پەن وڭتٷستٸك كورەيا ەسكەريلەرٸ تاڭ اتا ۇشىرىلعان زىمىران تۋرالى الىنعان اقپاراتتاردىڭ تالداپ جاتىر.
گۋام ارالدارىنان جەتكەن مەلٸمەت بويىنشا, سولتٷستٸك كورەيا اتقان زىمىران تىنىق مۇحيتىنىڭ باتىس بٶلٸگٸندەگٸ اقش تەرريتورييالارىنا "تٸكەلەي قاۋٸپ تٶندٸرمەگەن".
