Koronavirýs pandemiiasyna bailanysty Qazaqstan halqy Assambleiasy "Jańǵyrý joly" jastar qozǵalysy #maskataq heshtegimen úgit-nasihat sharasyn ótkizdi. Bul shara Qyzylorda óńirinde bastaý aldy. Sharanyń maqsaty – kópshilik júretin qoǵamdyq oryndarda, kóshelerde meditsinalyq maska taratyp, halyqty, turǵyndardy karantin rejimi sharalaryn saqtaýǵa shaqyrý. Sondai-aq, indettiń ári qarai da taralýyna jol bermeý maqsatynda úgit-nasihat júrgizildi. Bul týraly «Ult» portaly habarlaidy.
Bul shara Qyzylorda oblysy Qazaqstan halqy assambleiasynyń uiymdastyrýymen oblystaǵy qalalar men barlyq aýdanda jalǵasty. Qazaqstan halqy assambleiasy janynan qurylǵan eriktiler «Jańǵyrý joly» jastar qozǵalysynyń belsendileri, «Qoǵamdyq kelisim» múshelerinen qurylǵan eriktiler belsendilik tanytty.
Eriktiler ortalyq alańda, gúlzar men temirjol vokzalynda «maska taq», «densaýlyqty saqta» degen jazba qaldyrdy.
Sonymen qatar Qazaqstan halqy Assambleiasynyń bastamasymen Qyzylorda óńirinde Qurban ait qarsańynda «Myń alǵys» respýblikalyq aktsiiasy ótti. Oǵan Syr eriktileri men etnomádeni birlestik ókilderi, kásipkerler men qoǵamdyq uiymdar qatysty.
Aktsiia kezinde indet juqtyrǵan naýqastarmen tikelei jumys isteitin meditsina qyzmetkerleriniń jaqyndaryna kómek kórsetildi.
Aktsiia barysynda 60 dárigerdiń otbasyna azyq-túlik, merekege arnalǵan sebeptter jetkizildi.
«Qoǵamdyq kelisim» memlekettik mekemesi Syrdariia aýdanyndaǵy etnosaralyq qatynastar jónindegi mamandarmen birlesip aýdandaǵy aýrýhanada eńbek etip jatqan 51 meditsina qyzmetkeriniń úiine azyq-túlik, et taratyp kómek kórsetti.
Aral aýdany boiynsha Qoǵamdyq kelisim keńesiniń músheleri, aýdandyq kásipkerler tarapynan meditsina salasy qyzmetkerleriniń 18 otbasyna azyq-túlik taratyldy.
Respýblika kóleminde ótken «Myń alǵys» aktsiiasyna Soltúsik Qazaqstan oblysyndaǵy Qazaqstan halqy assambleiasynyń ókilderi de atsalysty. Olar jalpy mólsheri eki million teńge kóleminde kómek kórsetti. Onyń ishinde pandemiia saldarynan zardap shekken azamattarǵa, sondai-aq kóp balaly otbasylarǵa, jaǵdaiy tómen januialarǵa kómek kórsetti.
Al oblystaǵy assambleianyń etnomádeni birlestik ókilderi indetpen kúresip jatqan dárigerlerge, meditsina salasynyń mamandaryna qarjylyq kómek kórsetti. Koronavirýs infektsiiasy kesirinen týysynan, jaqynynan aiyrylǵan azamattarǵa da kómek kórsetildi. Al qurban ait qarsańynda qurbandyqqa shalynǵan maldyń eti muqtaj jandarǵa, kóp balaly otbasylarǵa úlestirildi.
Bul sharaǵa óńirdegi «Dýslyk» tatar-bashqurt qoǵamdyq ortalyǵy, «Túrik mádenieti» qoǵamdyq birlestigi, «Evrei mádeni ortalyǵy», «Ázirbaijan mádenieti ortalyǵy», «Vainah» sheshen ingýs qaýymdastyǵy belsendi túrde atsalysty.
Jambyl oblysy Qazaqstan halqy assambleiasynyń etnos ókilderi men belsendileri dárigerlerdiń otbasyna Qurban ait qarsańynda qoldaý kórsetti. Eriktiler 400 myń teńge qarajat jinap, turmysy tómen elý otbasyǵa azyq-túlik taratty.
Al Shyǵys Qazaqstanda Semei qalasynda Dostyq úiiniń etnomádeni ortalyqaty qaladaǵy meditsina mekemelerine baryp, dárigerlerge, meditsina salasynyń mamandaryna syilyq jasady.
Sondai-aq, Semei belsendileri, onyń ishinde Qazaqstan halqy assambleiasynyń belsendileri kóp ret taǵýǵa bolatyn meditsinalyq maska taǵyp, turǵyndarǵa taratty. Naqty aitqanda, «Býiýk kelajak» ózbek ultynyń áleýmettik-mádeni ortalyǵynyń ókilderi 200 betperde tyǵyp shyqty. Ol qala turǵyndaryna úlestirildi.
