كوروناۆيرۋس پاندەميياسىنا بايلانىستى قازاقستان حالقى اسسامبلەياسى "جاڭعىرۋ جولى" جاستار قوزعالىسى #ماسكاتاق حەشتەگٸمەن ٷگٸت-ناسيحات شاراسىن ٶتكٸزدٸ. بۇل شارا قىزىلوردا ٶڭٸرٸندە باستاۋ الدى. شارانىڭ ماقساتى – كٶپشٸلٸك جٷرەتٸن قوعامدىق ورىنداردا, كٶشەلەردە مەديتسينالىق ماسكا تاراتىپ, حالىقتى, تۇرعىنداردى كارانتين رەجيمٸ شارالارىن ساقتاۋعا شاقىرۋ. سونداي-اق, ٸندەتتٸڭ ەرٸ قاراي دا تارالۋىنا جول بەرمەۋ ماقساتىندا ٷگٸت-ناسيحات جٷرگٸزٸلدٸ. بۇل تۋرالى «ۇلت» پورتالى حابارلايدى.
بۇل شارا قىزىلوردا وبلىسى قازاقستان حالقى اسسامبلەياسىنىڭ ۇيىمداستىرۋىمەن وبلىستاعى قالالار مەن بارلىق اۋداندا جالعاستى. قازاقستان حالقى اسسامبلەياسى جانىنان قۇرىلعان ەرٸكتٸلەر «جاڭعىرۋ جولى» جاستار قوزعالىسىنىڭ بەلسەندٸلەرٸ, «قوعامدىق كەلٸسٸم» مٷشەلەرٸنەن قۇرىلعان ەرٸكتٸلەر بەلسەندٸلٸك تانىتتى.
ەرٸكتٸلەر ورتالىق الاڭدا, گٷلزار مەن تەمٸرجول ۆوكزالىندا «ماسكا تاق», «دەنساۋلىقتى ساقتا» دەگەن جازبا قالدىردى.
سونىمەن قاتار قازاقستان حالقى اسسامبلەياسىنىڭ باستاماسىمەن قىزىلوردا ٶڭٸرٸندە قۇربان ايت قارساڭىندا «مىڭ العىس» رەسپۋبليكالىق اكتسيياسى ٶتتٸ. وعان سىر ەرٸكتٸلەرٸ مەن ەتنومەدەني بٸرلەستٸك ٶكٸلدەرٸ, كەسٸپكەرلەر مەن قوعامدىق ۇيىمدار قاتىستى.
اكتسييا كەزٸندە ٸندەت جۇقتىرعان ناۋقاستارمەن تٸكەلەي جۇمىس ٸستەيتٸن مەديتسينا قىزمەتكەرلەرٸنٸڭ جاقىندارىنا كٶمەك كٶرسەتٸلدٸ.
اكتسييا بارىسىندا 60 دەرٸگەردٸڭ وتباسىنا ازىق-تٷلٸك, مەرەكەگە ارنالعان سەبەپتتەر جەتكٸزٸلدٸ.
«قوعامدىق كەلٸسٸم» مەملەكەتتٸك مەكەمەسٸ سىردارييا اۋدانىنداعى ەتنوسارالىق قاتىناستار جٶنٸندەگٸ ماماندارمەن بٸرلەسٸپ اۋدانداعى اۋرۋحانادا ەڭبەك ەتٸپ جاتقان 51 مەديتسينا قىزمەتكەرٸنٸڭ ٷيٸنە ازىق-تٷلٸك, ەت تاراتىپ كٶمەك كٶرسەتتٸ.
ارال اۋدانى بويىنشا قوعامدىق كەلٸسٸم كەڭەسٸنٸڭ مٷشەلەرٸ, اۋداندىق كەسٸپكەرلەر تاراپىنان مەديتسينا سالاسى قىزمەتكەرلەرٸنٸڭ 18 وتباسىنا ازىق-تٷلٸك تاراتىلدى.
رەسپۋبليكا كٶلەمٸندە ٶتكەن «مىڭ العىس» اكتسيياسىنا سولتٷسٸك قازاقستان وبلىسىنداعى قازاقستان حالقى اسسامبلەياسىنىڭ ٶكٸلدەرٸ دە اتسالىستى. ولار جالپى مٶلشەرٸ ەكٸ ميلليون تەڭگە كٶلەمٸندە كٶمەك كٶرسەتتٸ. ونىڭ ٸشٸندە پاندەمييا سالدارىنان زارداپ شەككەن ازاماتتارعا, سونداي-اق كٶپ بالالى وتباسىلارعا, جاعدايى تٶمەن جانۇيالارعا كٶمەك كٶرسەتتٸ.
ال وبلىستاعى اسسامبلەيانىڭ ەتنومەدەني بٸرلەستٸك ٶكٸلدەرٸ ٸندەتپەن كٷرەسٸپ جاتقان دەرٸگەرلەرگە, مەديتسينا سالاسىنىڭ ماماندارىنا قارجىلىق كٶمەك كٶرسەتتٸ. كوروناۆيرۋس ينفەكتسيياسى كەسٸرٸنەن تۋىسىنان, جاقىنىنان ايىرىلعان ازاماتتارعا دا كٶمەك كٶرسەتٸلدٸ. ال قۇربان ايت قارساڭىندا قۇرباندىققا شالىنعان مالدىڭ ەتٸ مۇقتاج جاندارعا, كٶپ بالالى وتباسىلارعا ٷلەستٸرٸلدٸ.
بۇل شاراعا ٶڭٸردەگٸ «دۋسلىك» تاتار-باشقۇرت قوعامدىق ورتالىعى, «تٷرٸك مەدەنيەتٸ» قوعامدىق بٸرلەستٸگٸ, «ەۆرەي مەدەني ورتالىعى», «ەزٸربايجان مەدەنيەتٸ ورتالىعى», «ۆايناح» شەشەن ينگۋس قاۋىمداستىعى بەلسەندٸ تٷردە اتسالىستى.
جامبىل وبلىسى قازاقستان حالقى اسسامبلەياسىنىڭ ەتنوس ٶكٸلدەرٸ مەن بەلسەندٸلەرٸ دەرٸگەرلەردٸڭ وتباسىنا قۇربان ايت قارساڭىندا قولداۋ كٶرسەتتٸ. ەرٸكتٸلەر 400 مىڭ تەڭگە قاراجات جيناپ, تۇرمىسى تٶمەن ەلۋ وتباسىعا ازىق-تٷلٸك تاراتتى.
ال شىعىس قازاقستاندا سەمەي قالاسىندا دوستىق ٷيٸنٸڭ ەتنومەدەني ورتالىقاتى قالاداعى مەديتسينا مەكەمەلەرٸنە بارىپ, دەرٸگەرلەرگە, مەديتسينا سالاسىنىڭ ماماندارىنا سىيلىق جاسادى.
سونداي-اق, سەمەي بەلسەندٸلەرٸ, ونىڭ ٸشٸندە قازاقستان حالقى اسسامبلەياسىنىڭ بەلسەندٸلەرٸ كٶپ رەت تاعۋعا بولاتىن مەديتسينالىق ماسكا تاعىپ, تۇرعىندارعا تاراتتى. ناقتى ايتقاندا, «بۋيۋك كەلاجاك» ٶزبەك ۇلتىنىڭ ەلەۋمەتتٸك-مەدەني ورتالىعىنىڭ ٶكٸلدەرٸ 200 بەتپەردە تىعىپ شىقتى. ول قالا تۇرعىندارىنا ٷلەستٸرٸلدٸ.
