Qazaqstan Respýblikasynyń Prezidenti Qasym-Jomart Toqaev qaiyrymdylyq, volonterlik uiymdardyń jáne biznes-sektordyń ókilderimen onlain formatta kezdesý uiymdastyrdy. Atalǵan kezdesýge Qazaqstan halqy Assambleiasy múshesi, Assambleia eriktileriniń belsendisi Nargizam Mahmýdova da qatysty, - dep habarlaidy «Ult aqparat».
Atalǵan onlain kezdesýge Qazaqstan halqy Assambleiasy janyndaǵy Nur-Sultan qalalyq «Jańǵyrý joly» RJQ shtaby tóraǵasynyń orynbasary, Assambleia eriktileriniń belsendisi Nargizam Mahmýdova qatysyp, Assambleianyń qaiyrymdylyq is-sharalaryn ortaǵa saldy.
«Biz Birgemiz» aktsiiasy aiasynda elordamyzdaǵy 23 myń otbasyǵa azyq-túlik sebetteri men meditsinalyq qorǵanys quraldary jetkizildi. Áleýmettik az qamtylǵan otbasylarǵa kómek retinde 2 mln. 200 myń teńgeniń betperdesin tegin tarattyq. Odan bólek, jalǵyzilikti úlken kisiler men áleýmettik az qamtylǵan 300-ge jýyq otbasyn eki ai boiy tegin ystyq tamaqpen qamtamasyz ettik. Bankterde, halyqqa qyzmet kórsetý ortalyqtarynda, qoǵamdyq oryndarda áleýmettik araqashyqtyqty saqtaý erejelerin baqylaý, maska úlestirý boiynsha 1,5 ai boiy kezekshilik atqardyq», - dedi Nargizam Mahmýdova.
Aita keteiik, Nargizam volonterlik qyzmetti 15 jyl buryn, stýdent kezinen bastaǵan. Dúnieni dúr silkindirgen koronovirýs indeti kezinde de belsendilik tanytyp, ákimdik janynan qurylǵan volonterlar shtabynda Assambleia jastarymen birge muqtaj jandarǵa kómektesýmen ainalysqan.
Nargizam Mahmýdovanyń aitýynsha, Mamyr aiynda Maqtaralda bolǵan tabiǵi apattan zardap shekken turǵyndarǵa tórt gýmanitarlyq qabyldaý pýnktterin ashyp, qalalyq volonterlar shtaby 150 tonna azyq-túlik, kiim-keshek, qurylys materialdaryn jibergen.
«Eriktilerdiń basym bóligi jastar. Meniń usynysym, volonterlerdi jas aralyǵyna qaramai, barlyq deńgeide osy igilikti iske tartý kerek. Sonymen qatar, korporativtik volonterlikti damytýdy memlekettik deńgeide qolǵa alý qajet dep oilaimyn. Odan bólek, volonterlardyń meditsinalyq saqtandyrýdy zańdyq turǵydan sheshý jolǵa qoiylýy tiis. Bul volonterlardy qoldaý tek 2020 jylmen aiaqtalmai, ary qarai jalǵastyrýdyń da júieli kórinisi bolmaq», - dedi Assambleia eriktisi.
Osy oraida aita ketý kerek, jalpy respýblika boiynsha Assambleianyń qaiyrymdylyq jasaýshylary, etnomádeni birlestikter Maqtaralǵa 102 million teńgege 335 tonna gýmanitarlyq kómek pen qurylys materialdaryn jiberdi.
Qurban ait kúnderi Assambleia «Myń alǵys» aktsiiasyn ótkizip, 7 myń meditsina qyzmetkeri, 11,5 myń dárigerdiń otbasyna jalpy somasy 77,7 mln.teńgege kómek kórsetti.
Oqý jylynyń basynda 6 myńǵa jýyq oqýshy men 2,7 myń otbasy Assambleiadan syilyq retinde 107 mln.teńge noýtbýkter aldy. Jalpy alǵanda, QHA biylǵy jyldyń 9 aiynda 1 mlrd.497 mln. teńgeniń kómegin kórsetken.
Esterińizge sala keteiik, Qazaqstan Respýblikasynyń Prezidenti Qasym-Jomart Toqaev qaiyrymdylyq, volonterlik uiymdardyń jáne biznes-sektordyń ókilderimen onlain formatta kezdesý uiymdastyrdy. Atalǵan kezdesýge Qazaqstan halqy Assambleiasy múshesi, Assambleia eriktileriniń belsendisi Nargizam Mahmýdova da qatysty. Assambleia eriktisi kezdesý barysynda jastardyń atqaryp jatqan jumystary men qaiyrymdylyq sharalaryna toqtalyp ótti.
