Búgin Nur-Sultan qalasynda Qazaqstan halqy Assambleiasy, Aqparat jáne qoǵamdyq damý ministrliginiń Etnosaralyq qatynastardy damytý komiteti, «Qoǵamdyq kelisim» RMM uiymdastyrýymen «Qoǵamdyq kelisim» RMM jáne óńirlerdegi QHA qoǵamdyq qurylymdarynyń qyzmetinde menedjmenttiń zamanaýi ádisterin engizý jónindegi ádistemelik keńes otyrysy ótti, - dep habarlaidy «Ult aqparat».
Jalpy menedjment degendi búgingi tańda basqarý dep túsindirip júrmiz. Al basqarý máselesi Qazaqstan halqy Assambleiasynyń filialy elimizdiń ár óńirinde bar bolǵandyqtan keńinen taralyp otyr. Menedjment basqarý júiesiniń negizgi tetikteri túrli ult ókilderiniń birigýimen, Qazaqstan halqynyń birligi men tatýlyǵyn nasihattaýda keńinen jumys istep kele jatyr. Bul týraly Etnosaralyq qatynastardy damytý komitetiniń tóraǵasy, Bolat Baýyrjanuly Majaǵulov bylai dedi:
«Búgingi jiynymyzdyń ózi óte ózekti máselelerdi talqylaýǵa arnalyp otyr. Búgingi tańda, Táýelsiz Qazaqstannyń oń saiasynyń nátijesinde, Qazaqstan halqy Assambleiasynyń demisti eńbeginiń nátijesinde elimizde 130-dan astam ult ókilderi beibit ómir súrip otyr. Onyń ishinde memlekettik til – qazaq tiliniń ornyn erekshe qurmetteitin Qazaqstan halqy Assambleiasynyń ókilderi qazaq tilinde erkin sóilep júr. Sonymen qatar óz tilderi men salt-dástúrlerin de berik ustana alady», - dedi Qazaqstan Respýblikasy Aqparat jáne qoǵamdyq damý ministrligi Etnosaralyq qatynastardy damytý komitetiniń tóraǵasy, Bolat Baýyrjanuly Majaǵulov.
«Qoǵamdyq kelisim» RMM men Qazaqstan halqy Assambleiasynyń óńirlik qurylymdarynyń ózara is-qimyly, «Qaiyrymdylyq qyzmetti úilestirý Qazaqstan halqy Assambleiasy men biznes qoǵamdastyqtyń áleýmettik áriptestiginiń kórsetkishi», «Qazaqstan halqy Assambleiasy etnomádeni birlestikteriniń áleýmettik mańyzdy jobalaryn iske asyrý týraly», «Etnomádeni birlestikter qyzmetindegi qaiyrymdylyqty damytý (Qazaqstan uiǵyrlarynyń respýblikalyq mádeni ortalyǵy mysalynda)», «Jambyl oblysynda «Rýhani jańǵyrý» baǵdarlamasyn iske asyrýdaǵy mádeni-aǵartýshylyq jobalar», «Soltústik Qazaqstan oblysynda «Qazaqtany» jobasyn iske asyrý nátijeleri týraly», sondai-aq, «Ahyska» túrik etnomádeni ortalyǵynyń «Ahyska áielderi» qoǵamdyq birlestigi qyzmetiniń negizgi basymdyqtary» boiynsha ózekti máseleler qaraldy.
«Qazirgi tańda áielder men kóp balaly analar máselesi jii kóterilip jatady. Bizdiń «Ahysqa áielderi» qoǵamdyq birlestigi osyndai máselelerdi sheshý joldaryn qarastyryp otyramyz. Ondai qoǵamdyq máselelerdi el men bilik arasyndaǵy kópir bolýǵa barymyzdy salyp júrmiz. Oǵan Qazaqstan halqy Assambleiasynyń músheleri de kýá dep bilemiz. Búgingi tańda talqylanyp otyrǵan menedjment máselesi de sol kóp máseleniń sheshimin kórsetip otyr», - dedi «Ahysqa áielderi» qoǵamdyq birlestiginiń múshesi Nadejda Pak.
Jiynǵa qatysýshylar, «Qoǵamdyq kelisim» RMM-niń jáne Aimaqtar dostyǵy úileriniń ádistemelik direktorlar keńesiniń kún tártibindegi máselelerdi tyńdap, talqylaǵannan keiin kelesi usynystardy qabyldady
Jiynǵa oblystardyń, Nur-Sultan, Almaty, Shymkent qalalarynyń «Qoǵamdyq kelisim» RMM jáne QHA Dostyq úileriniń direktorlary men qyzmetkerleri, oblystyq etnomádeni birlestikter basshylary, «Qoǵamdyq kelisim» RMM ókilderi qatysyp, «Qoǵamdyq kelisim» RMM qyzmeti men menedjmenti boiynsha mańyzdy suraqtar talqyǵa salyndy.
Esterińizge sala keteiik, Búgin Nur-Sultan qalasynda Qazaqstan halqy Assambleiasy, Aqparat jáne qoǵamdyq damý ministrliginiń Etnosaralyq qatynastardy damytý komiteti, «Qoǵamdyq kelisim» RMM uiymdastyrýymen «Qoǵamdyq kelisim» RMM jáne óńirlerdegi qha qoǵamdyq qurylymdarynyń qyzmetinde menedjmenttiń zamanaýi ádisterin engizý jónindegi ádistemelik keńes otyrysy ótti. Jiynǵa qatysýshylar, «Qoǵamdyq kelisim» RMM-niń jáne Aimaqtar dostyǵy úileriniń ádistemelik direktorlar keńesiniń kún tártibindegi máselelerdi tyńdap, talqylaǵannan keiin kelesi usynystardy qabyldady.
.jpeg)