Almaty qalasyndaǵy respýblikalyq Dostyq úiinde Qazaqstan halqy Assambleiasy QR Aqparat jáne qoǵamdyq damý ministrligimen birge Qazaqstan halqy tilderi kúnine orai, tildik mádeniet pen jalpy adami rýhani qundylyqtar printsipterine negizdelgen qoǵamdyq kelisim men ultaralyq tatýlyqty, qazaqstandyq biregeilikti, toleranttylyq pen ózara túsinistikti nyǵaitý jáne damytý maqsatynda «Til – Qazaqstan halqynyń rýhani bailyǵy» atty onlain konferentsiia ótkizdi, - dep habarlaidy «Ult aqparat».
Atalǵan konferentsiiaǵa QHA Tóraǵasynyń orynbasary – Hatshylyq meńgerýshisi J.Túimebaev, QR Aqparat jáne qoǵamdyq damý ministrligi Etnosaralyq qatynastardy damytý komitetiniń tóraǵasynyń orynbasary E.Úisinbaev, QHA músheleri, etnomádeni birlestikter men jastar uiymdarynyń basshylary qatysty.
«5 qyrkúiek – qazaqtyń qoǵam qairatkeri, qazaq lingvistikasy men ádebiettanýynyń negizin qalaýshylardyń biri, ǵalym jáne ádebiettanýshy Ahmet Baitursynuly dúniege kelgen kún. Qazaqstan halqynyń tilderi kúni – bul 100-den astam etnostardyń birtutas tatý otbasyn quraityn árbir qazaqstandyqtyń merekesi. Tilder kúni barsha halyqty biriktiredi jáne bizdiń birtutas qazaqstandyq biregeiligimizdi kórsetedi. Onyń arqaýy memlekettik qazaq tili men kópultty memlekettiń mádenieti, ortaq qundylyqtar men qazaqstandyq patriotizm bolyp tabylady. Bul mereke bizdiń azamattarymyzǵa memlekettik tilge jáne óz ana tilderin qurmetteýge, Bizdiń Otanymyz – Qazaqstan Respýblikasyna degen súiispenshiligin arttyrýǵa tárbieleidi. Ol elimizdiń túrli etnostarynyń tilderi men dástúrleri týraly bilimderin keńeitýge yqpal etedi. Tuńǵysh Prezident – Elbasy Nursultan Nazarbaev árbir azamattyń úsh tildi bilýin til saiasatynyń mańyzdy baǵyty retinde aiqyndady», - dedi Janseiit Qanseiituly.
Osy oraida, Aqparat jáne qoǵamdyq damý ministrligi Etnosaralyq qatynastardy damytý komiteti tóraǵasynyń orynbasary E.Úisimbaev kópetnosty memleket pen ashyq azamattyq qoǵamnyń turaqty damýynyń mańyzdy faktoryn atap ótti.
«QR Tuńǵysh Prezidenti – Elbasynyń kóregen saiasatynyń bastaýymen elimizdegi barsha ult ókilderiniń ana tiline eshqandai nusqan keltirilmei, memleket qoldaýymen órkendep damýda. Til bailyǵy – árbir eldiń ulttyq maqtanyshy. Ol atadan balaǵa miras bolyp qalyp otyratyn baǵa jetpes mura. Demek, ár adam ana tilin qorǵaýǵa, ony saqtaýǵa úlken jaýapkershilikpen qaraýǵa mindetti dep sanaimyn» dedi E.Úisimbaev.
Osy oraida aita keteiik, QHA músheleri memlekettik til mártebesin arttyrý máselesin talqylady. Bul dástúr qyzylorda oblysynda da jalǵasyn tapty. Atap aitqanda Qyzylorda oblystyq ishki saiasat basqarmasynyń uiymdastyrýymen– Qazaqstan halqy tilderi merekesine orai, memlekettik tildiń mártebesin kóterý, qazaqstandyq rýhani birlikti qalyptastyrý, otansúigishtik sezimdi arttyrý maqsatynda Dostyq úiinde «Til – tatýlyq tiregi» atty dóńgelek ústel ótkizdi.
Atalǵan sharaǵa oblystyq ádilet departamenti qyzmetkerleri, til janashyrlary men ǵalymdar, «Taza til» jastar toby músheleri, oblystyq ishki saiasat basqarmasy qyzmetkerleri, oblystyq Qazaqstan halqy assambleiasy qurylymdarynyń jáne etnomádeni birlestikterdiń ókilderi qatysty.
«Til – memlekettiń ainasy. Biz memlekettik tildi bile otyryp, qurmettei otyryp, ózge tilderdi de syilaýymyz kerek. Til – árbir ulttyń óziniń mereii. Sondyqtan til máselesin qashan da keiinge qaldyrýǵa bolmaidy. Mereke qarsańynda mundai talqylaýlardyń bolýyn quptaimyn. Men ǵana emes, «Halyqaralyq «Qazaq tili» Qoǵamy» da til máselelerine belsene aralasýǵa daiyn», - dedi «Halyqaralyq «Qazaq tili» qoǵamy» qoǵamdyq birlestigi Qyzylorda oblystyq filialynyń tóraǵasy S.Ańsat.
Mereke aiasynda oblystaǵy til saiasatyn júrgizýge atsalysyp júrgen birqatar til janashyrlary oblys ákiminiń, oblys ákimi orynbasarynyń Alǵys hatttarymen, QR Mádeniet jáne sport ministrliginiń, Til saiasaty komitetiniń Qurmet gramotasymen marapattaldy.
