Qazaqstan halqy Assambleiasy 25 jyldyq mereitoiy qarsańynda Buqaralyq aqparat quraldarynyń basshylaryna mereitoilyq medaldar tartý etti. Marapattaý rásimine Qazaqstan halqy Assambleiasy Tóraǵasynyń orynbasary, QR Prezidenti Ákimshiliginiń QHA hatshylyǵynyń meńgerýshisi Janseiit Túimebaevtiń ózi qatysty, - dep habarlaidy «Ult aqparat».
Marapattaý rásiminde Janseiit Qanseiituly eldegi jáne álemdik jańalyqtardy jedel ári shynaiy taratatyn, kez kelgen uiymnyń jumysyn nasihattaýda aqparat quraldarynyń mańyzdy ekenin aita kele, halyqtyń suranysyna sai aqparat aidynynda qyzmet etip júrgen birqatar basylymdar men telearnalardyń basyshylaryna alǵys bildirdi. Osy oraida Qazaqstan halqy Assambleiasy Tóraǵasynyń orynbasary Janseiit Túimebaev kóp ultty Qazaqstannyń el yntymaǵy men tatýlyǵyn dáriptegen buqaralyq aqparat quraldary Qazaqstan halqy Assableiasynyń jumysynyń mańyzdylyǵyn kórsetýde erekshe ról atqaratynyn atap ótti.
«Ózderińiz bilesizder, Qazaqstan kóp ultty zaiyrly memleket. Ulttardyń yntymaq-birligi men tatýlyǵy el basshylarynyń saiasatyna ǵana emes, halyq arasyndaǵy aqparattandyrý-túsindirý jumystaryna da tikelei bailanysty. Qazaqstan halqy Assableiasyn ulttardyń birligine jumys istese, Buqaralyq aqparat quraldary sol jumystardy nasihattaýǵa qyzmet etedi. Iaǵni Otanymyzdyń birtutas birligi úshin bárimiz jumysa jumys isteimiz. Qazaqstan halqy Assambleiasynyń jumysyn kórsetýde sizderdiń eńbekterińiz eren. Smondyqtan da biz 25 jyldyq mereitoi qarsańynda mereitoilyq medaldar tapsyrýdy jón kórdik. Sizder qandai marapatqa bolsa da laiyqsyzdar. Barlyq jumystaryńyz úshin alǵys bildirip, shyǵarmashalyqy tabystar tileimiz!», - dedi Janseiit Qanseiituly.
Atalǵan qabyldaýǵa «Egemen Qazaqstan» Respýblikalyq gazeti» AQ Basqarma Tóraǵasy Darhan Qydyráli, «Kazahstanskaia pravda» Respýblikalyq gazeti» AQ Basqarma Tóraǵasy Viacheslav Pashenko, «Kazahstanskaia pravda» Respýblikalyq gazeti» AQ Basqarma Tóraǵasynyń orynbasary Sabit Maldybaev qatysty.
«Biz birtutas memleketpiz. Kóp ultty respýblikamyz. Bizdiń kópultty, kópdindi saiasatymyz álem elderine úlgi ekeni anyq. Qazaqstan Respýblikasynyń bas basylymy «Egemen Qazaqstan» gazeti elimizdiń memlekettik saiasatyn tolyqtai qoldaidy. Sondyqtan da Qazaqstan halqy Assambleiasynyń jumysy biz úshin de mańyzdy. Sizderdi 25 jyldyq mereitoilaryńyzben shyn júrekten quttyqtai otyryp, Qazaqstan halqyna yntymaq-birlik, tatýlyq pen ortaq túsinik tileimiz! Aldaǵy ýaqytta da memleketimizdiń saiasatyn dáripteý jumystaryn jalǵastyryp, sizderde tek jańalyqtarmen kezdesemiz dep senemin», - dedi «Egemen Qazaqstan» Respýblikalyq gazeti» AQ Basqarma Tóraǵasy Darhan Qydyráli.
Osy oraida barlyq mekemelerdiń jumysy halyqqa kórinýi úshin Buqaralyq aqparat quraldarynyń mańyzdylyǵyna toqtalǵan «Kazahstanskaia pravda» Respýblikalyq gazeti» AQ Basqarma Tóraǵasy Viacheslav Pashenko Qazaqstan halqy Assambleiasyn 25 jyldyń mereitoiymen quttyqtady.
«Elimiz táýelsizdik alǵan jyldary syndarly saiasatty nasihattaýda kóp eńbek etýimizge týra keldi. sonyń sátti nátidesi búgin mine Qazaqstan halqy Assambleiasyna 25 jyl tolyp otyr. Qazaqstan kóp ultty, kóp dindi ustanatyn zaiyrly memleket. Biz elimizdiń sarabdal saiasatyn nasihattaýda jańalyq jarshysy bola alǵanymyzǵa qýanyshtymyz. Sizderdi búgingi mereitoilaryńyzben shyn júrekten quttyqtaimyz. Mereitoilyq medaldar tapsyrý jaqsy ideia eken, bul shyǵarmashylyq ujymdar men shyǵarmashylyq adamy úshin shabyt syilaityn múmkindik. Qoldaýlaryńyzǵa alǵysym sheksiz», - dedi «Kazahstanskaia pravda» Respýblikalyq gazeti» AQ Basqarma Tóraǵasy Viacheslav Pashenko.
Esterińizge sala keteiik, Qazaqstan halqy Assambleiasy Tóraǵasynyń orynbasary, QR Prezidenti Ákimshiliginiń QHA hatshylyǵynyń meńgerýshisi Janseiit Túimebaev Buqaralyq aqparat quraldarynyń basshylaryn Qazaqstan Respýblikasynyń Konstitýtsiiasynyń jáne Qazaqstan halqy Assambleiasynyń 25 jyldyq mereitoilaryna orai mereitoilyq medaldarmen marapattady.
