Qazaqstan halqy Assambleiasynyń 25 jyldyq mereitoiy qarsańynda Ridder qalasynyń dosttyq úiiniń ókilderi bas qosty. Atalǵan jiynda otbasylyq qundylyqtar, dástúrler, rýhanilyqty saqtaý máseleleri talqylandy, – dep habarlaidy «Ult aqparat».
Atalǵan shara aiasynda, Dostyq úiiniń ókilderi kieli oryn «Bereginia» bulaǵyna baryp, «Otbasynyń amandyǵy – eldiń amandyǵy» atty is-shara ótkizdi.
«Bul shara biz úshin asa mańyzdy. Sebebi otbasylyq qundylyqtar, dástúrler, rýhani bailyq degen dúnieler qai elde bolmasyn, qai ultta bolmasyn birinshi orynda turatyn nárse dep bilemin. Biz sondyqtan da búgin bas qosyp, negizgi máselelerdi ortaǵa saldyq. Otbasylyq qundylyqtardy bala-shaǵamyzǵa kishkentaiynan sińirsek, dástúrge qanyp ósse, rýhani bai bolsa, bul ultymyz úshin de, memleketimiz úshin de óte paidaly. Sebebi bizdiń memelkettiń bir shańyraq asynda qanshama ult ókilderin syidyryp, ashyq aspan astynda beibit ómir syilap otyrǵan berekeli memelket», - deidi Natalii Pak.
Kezdesýge qatysýshylar otbasylyq qundylyqtardy, dástúrlerdi, rýhanilyqty saqtaý boiynsha ulttyq memlekettik mindetterge qatysty birqatar máselelerdi talqylady.
Sondai-aq, pandemiia jaǵdaiynda jan-jaqty damýdyń jalǵasýyn eskere otyryp, elimizdiń jańa ómir saltyna kóshýge arnalǵan Qazaqstan Respýblikasynyń basshysy Q. Toqaevtyń Joldaýyn iske asyrýdaǵy etnosaralyq qatynastar salasyndaǵy saiasat pen Qazaqstan halqy Assambleiasynyń róli taqyryby qozǵaldy. Óskeleń urpaqty «durys jolmen» tárbieleýge erekshe kóńil bólindi.
Al ridderlik Aleksendra Aiýpovanyń aitýynsha, balalar tárbiesinde etnosaralyq qarym-qatynastyń mańyzdylyǵy erekshe. Óitkeni bir shańyraq astynda kóptegen ult ókilderiniń ómir súrýi, bir nan men bir sýdy bólise ishýi eshkimniń qolyna kele bermeitin erlik.
«Iá, bizdiń bolashaǵymyz – balalarymyz, eldiń bolashaǵy – jastar. Al bolashaqtyń jarqyn bolýy úshin búgin jumys istelýi kerek. Biz bárimiz anamyz. Otan anamyz úshin, ana júregimizben eńbek etkimiz keledi. Sol úshin árkim óz otbasynan, óz balarynynyń tárbiesinen bastasa deimiz. «Otan – otbasynan bastalady degen» tamasha sóz bar qazaqta. Búgingi beibit ómirimiz úshin Elbasy N.Nazarbaev pen Prezident Q.Toqaevqa alǵysymyz sheksiz», – deidi Aleksandra Aiýpova.
Talqylaý barysynda jinalǵandar pikir almasyp, joldaýdy ýaqytyly ári tiimdi iske asyrý úshin etnomádeni birlestikterdiń qyzmetindegi negizgi baǵdarlardy aiqyndady.
«Biz balalarǵa otbasy institýtynyń mańyzdylyǵyn kórsetý, olarǵa qoǵamnyń óz uiashyǵyn qurý – áleýmettik damý salasyndaǵy mańyzdy saty ekenin jetkizý úshin úzdiksiz jumys istep kelemiz. Bolashaqta baqytty otbasylyq adam bolý úshin kúshti jáne salaýatty qarym-qatynastyń negizin túsiný kerek. Negiz - bir-biriniń múddeleri men is-áreketterin qurmetteý, ózara túsinistik, qoldaý, jylýlyq pen mahabbat. Sonymen qatar otbasy týraly áńgimelesýdiń negizgi maqsattarynyń biri jas urpaqtyń sanasynda ata-analarǵa degen qurmetti nyǵaitý bolyp tabylady», - dep atap ótti kezdesýdi uiymdastyrýshylar.
Esterińizge sala keteiik, Qazaqstan halqy Assambleiasynyń 25 jyldyq mereitoiy qarsańynda Ridder qalasynyń dosttyq úiiniń ókilderi bas qosty. Atalǵan jiynda otbasylyq qundylyqtar, dástúrler, rýhanilyqty saqtaý máseleleri talqylandy. Talqylaý barysynda jinalǵandar pikir almasyp, joldaýdy ýaqytyly ári tiimdi iske asyrý úshin etnomádeni birlestikterdiń qyzmetindegi negizgi baǵdarlardy aiqyndady.
