QR Densaýlyq saqtaý vitse-ministri, bas memlekettik sanitarlyq dáriger Erlan Qiiasov karantindik shekteýlerdi jeńildetý turǵysynda nysandardyń ashylýyna qatysty suraqqa jaýap berdi, dep habarlaidy "Ult aqparat".
«Búgin Vedomstvoaralyq komissiiada karantindik is-sharalardy jeńildetý boiynsha birqatar qadamdar aityldy. Jaqyn arada ózgerister engizý týraly qaýly qabyldanady. KVI-diń taralýynyń tómendeýine qatysty ońtaily jaǵdai aldaǵy ýaqytta qyzmettiń túrli salalaryndaǵy shekteýlerdi birtindep toqtatýǵa yqpal etedi dep úmittenemiz. Sonymen qatar halyqty vaktsinalaýdy sátti ótkizýge erekshe senim artyp otyrmyz», - dedi Qiiasov Ortalyq kommýnikatsiialar qyzmetinde.
Sonymen qatar vitse-ministr elimizdegi joǵary oqý oryndaryn ashýǵa qatysty pikir bildirdi.
«Biz barlyq múmkindikti qarastyryp otyrmyz. Osy oraida Bilim ministrligimen saladaǵy máselelerdi pysyqtadyq. Asyǵystyq jasaýdyq reti joq. Bul baǵytta tiisti jumystar júrip jatyr. Eldegi KVI boiynsha jaǵdaidyń ońtaily bolýy tek qysqa merzimmen shektelmeýi kerek», - dedi Erlan Qiiasov.
