قر دەنساۋلىق ساقتاۋ ۆيتسە-مينيسترٸ, باس مەملەكەتتٸك سانيتارلىق دەرٸگەر ەرلان قيياسوۆ كارانتيندٸك شەكتەۋلەردٸ جەڭٸلدەتۋ تۇرعىسىندا نىسانداردىڭ اشىلۋىنا قاتىستى سۇراققا جاۋاپ بەردٸ, دەپ حابارلايدى "ۇلت اقپارات".
«بٷگٸن ۆەدومستۆوارالىق كوميسسييادا كارانتيندٸك ٸس-شارالاردى جەڭٸلدەتۋ بويىنشا بٸرقاتار قادامدار ايتىلدى. جاقىن ارادا ٶزگەرٸستەر ەنگٸزۋ تۋرالى قاۋلى قابىلدانادى. كۆي-دٸڭ تارالۋىنىڭ تٶمەندەۋٸنە قاتىستى وڭتايلى جاعداي الداعى ۋاقىتتا قىزمەتتٸڭ تٷرلٸ سالالارىنداعى شەكتەۋلەردٸ بٸرتٸندەپ توقتاتۋعا ىقپال ەتەدٸ دەپ ٷمٸتتەنەمٸز. سونىمەن قاتار حالىقتى ۆاكتسينالاۋدى سەتتٸ ٶتكٸزۋگە ەرەكشە سەنٸم ارتىپ وتىرمىز», - دەدٸ قيياسوۆ ورتالىق كوممۋنيكاتسييالار قىزمەتٸندە.
سونىمەن قاتار ۆيتسە-مينيستر ەلٸمٸزدەگٸ جوعارى وقۋ ورىندارىن اشۋعا قاتىستى پٸكٸر بٸلدٸردٸ.
«بٸز بارلىق مٷمكٸندٸكتٸ قاراستىرىپ وتىرمىز. وسى ورايدا بٸلٸم مينيسترلٸگٸمەن سالاداعى مەسەلەلەردٸ پىسىقتادىق. اسىعىستىق جاساۋدىق رەتٸ جوق. بۇل باعىتتا تيٸستٸ جۇمىستار جٷرٸپ جاتىر. ەلدەگٸ كۆي بويىنشا جاعدايدىڭ وڭتايلى بولۋى تەك قىسقا مەرزٸممەن شەكتەلمەۋٸ كەرەك», - دەدٸ ەرلان قيياسوۆ.
